Mashhoor shayr:-may -june, mohsin naqvi shab..
adaab doston...mashhoor shayr ki mahfil me is baar jin shayr ka naam main le rahi hun..vo apne alfaaz apni adaygi se shayri me jo jadu bhar dete hain vo khud me bemisaal hai .....sath hee sath mohabbat ho ya philosophy kisi bhi vishay par unki likhi ghazal aur nazm dil ko sukoon dene wali hoti hain....
MOHSIN NAQVI sahab ki baat karenge ham is baar..na sirf unhe padhenge balki unke kahe gaye sher aur ghazal hame kuch aur behtar likhne ke liye hausla dengi aisi ummeed karti hun... unke bare me kuch personal batein zaroor janna chahenge aap sab....jiske baad unki ghazalon se bhi ru b ru honge... Syed Mohsin Naqvi was born in 1955 at the village Sadat near Dera Ghazi Khan. He was an enormous Urdu poet of Pakistan. He secured his Graduation degree from Govt. College Bosan Road Multan. The secret of his life is that his actual Name was Ghulam Abbas. He obtained his masters degree from University of the Punjab Lahore. Before his arrival at Lahore he was popular as Mohsin Naqvi. He was also very much famous due to his Poem of Ahl al-Bayt. His poetry is well known and recited all over World. He is believed to have been murdered on 15 January 1996. Following are the famous Urdu poetry books of Syed Mohsin Naqvi: Azaab-e-Deed, Khaima-e-Jaan, Berg-e-Sehra, Band-e-Kbaa, moje-idraak, Taloo-e-ashk, Furat-e-fikr, Reza-e-harf, Rakht-e-shab, Rida-e-khwab, Haq-e-Aeliya. |
Ab mohabbat ki wakalat nahi ki ja sakti
Ab Mohabbat ki Wakaalat Nahi Ki Ja Sakti
Shehr Bhar se to Adaawat Nahi Ki Ja Sakti Mera Chehra Meri Aankhain hain Salaamat Ab Bhi Kon Kehta Hai Wazaahat Nahi Ki Ja Sakti . Baat ye Hai k koi Toot k Chaahay to Sahi Her kisi se to Mohabbat Nahi Ki Ja Sakti . Aankh Kehti Hai Kahin Aur Chalay Jaayen Hum Dil ye Kehta Hai k Hijrat Nahi Ki Ja Sakti . Loh-e-Dil par Yehi Tehreer Likhi hay Mohsin Ishq Waalon ko Naseehat Nahi Ki Ja Sakti. |
Quote:
|
Quote:
Bahut shukriya......... |
Quote:
|
Quote:
Ye to yun hee riwayti taur pe kah deti hun main.:) Aur kalaam lekar aati hun..filhaal Ek sher abhi padha mohsin ji ka vo pesh karti hun..... Aaj phir un se mulaqat huyi hai "Muhsin " Aaj phir dil pe koi zakhm laga ho jese |
ek haseen dil aziz ghazal ki taraf bazm ki madd-e-nazar chahta hoon...
Aap ki aankh se gehra hai meri rooh ka zakhm aap kya soch sakenge meri tanhai ko Main toh dum tod raha tha magar afsurda-hayaat khud chali aayi meri housla-afzaai ko Lazzat-e ghum ke siwa teri nighaahon ke baghair kaun samjha hai mere zakhm ki gehraai ko Main badhaunga teri shohrat-e-KHush-buu ka nikhaar tu dua de mere afsaana-e-rusvaa.ii ko Woh toh yun kahiye ki ek qaus-e-quzah phail gayi warna main bhool gaya tha teri a.ng.Daa.ii ko afsurda-hayaat = dejected life Lazzat-e ghum = pleasure of pain afsaana-e-rusvaa.ii = story of humiliation qaus-e-quzah = rainbow |
Quote:
Main toh dum tod raha tha magar afsurda-hayaat khud chali aayi meri housla-afzaai ko Umda sharing... |
Quote:
waahh kamaal ki ghazal pesh ki hai aapne madhu ji................ aur shukriyaa is khoobsurat silsile ko ek baar fir se nayaa mukaam dene keliye... aur mujhe ummeed hai ke is bar quantity se zyaada quanlity par dhyaan dena chahiye... jis maksad se ise shuru kiya gaya thaa... taki ham bade shayaron ko padhen samjhen seekhen... ummeed hai meri kisi bhi baat ka kisii ko buraa nahi lagega.... shukriyaa Shaad........... |
Quote:
ummdha ghazal share ki hai aapne mast saahab............. behad hi khoobsurat..... :) |
Quote:
Shukriya aapka sath dene ke liye... Salamat rahein... |
thanks alot madhu for taking this noble intiative of making amatuer shayrs like me to make them aware of such great shayars ....u have made me now really intrested in works of moshin sahab...desperately wating for u to post more of his works!
|
Quote:
do keep coming.... take care Shaad.... |
Quote:
keep coming... |
Thak jaogi.....
Pesh hai ek nazm jiske ehsas aapke dil ko na chhoo jayein aisa nahi hoga...aur andaaz to bas kya kahne... Thak Jao Gi
Pagal ankhon wali larki! Itne mehnge khawab na dekho____ Thak jao gi!! Kanch se nazuk khawab tumhare Toot gaye to Pachtao gi!! Soch ka sara ujla kundan Zabt ki rakh mein ghul jaye ga Kachey pakkey rishton ki khushbo ka resham khul jaye ga-!! Tum kia jano? Khawab, safar ki dhop ke taishey Khawab, adhori rat ka dozakh Khawab, khiyalon ka pachtawa Khawabon ki manzil ruswai! Khawabon ka hasil tanhai!! Tum kia jano? Mehnge khawab kharedna hon to Ankhien bechna parti hain____Ya Rishte bholna parte hain Andeshon ki rait no phanko Piyas ki aot sarab na dekho Itne mehnge khawab no dekho--!! Thak Jao Gi!! |
Quote:
just one word....................................... superb :) |
Bichad ke mujhse kabhi.....
Quote:
BichhaR ke mujh se kabhi tu ne yeh bhi sochaa hai Adhuuraa chaand bhi kitnaa udaas lagtaa hai Ye lamhaa vasl kaa hai isko raayegaaN na samajh K is ke baad vahii duuriyoN kaa sahraa hai Kuchh aur der na jhaRtaa udaasiyoN kaa shajar Kise Khabar tere saaye meN kaun baiThaa hai Ye rakh-rakhaao muhabbat sikhaa gayii us ko Vo ruuth kar bhi mujhe muskuraa ke miltaa hai MaiN kis tarah tujhe dekhuun nazar jhijhakti hai Teraa badan hai K yeh aaiinoN kaa dariyaa hai |
Itni muddat baad mile ho...
Itni muddat baad mile ho! Kin sochon mein gum phirte ho? Itne khauf me kyun rehte ho? Hur aahat se dar jate ho Tez hawa ne mujhse pocha Rait pe kia likhte rehte ho? Kash koi hum se bhi pochey Raat gaye tak kyun jagte ho? Main darya se bhi darta hon Tum darya se bhi gehre ho! Pechy mur kar kyun dekha tha Pather ban kar kia takte ho? Apne Shehr k sab logon se Meri khatir kyun uljhe ho? Hum se na pocho hijar ke qissey Apni kaho tum kesey ho! Mohsin tum badnaam boht ho Jese ho, phir bhi ache ho |
Quote:
aisaa lag raha hai shaayar ne dil nikaal ke rakh diyaa ho apnaa.... bahut hi asardaar ghazal..... aage bhi intzaar rahega aise kalaamo ka.... Shaad.... |
Quote:
aisaa lag raha hai shaayar ne dil nikaal ke rakh diyaa ho apnaa.... bahut hi asardaar ghazal..... aage bhi intzaar rahega aise kalaamo ka.... Shaad.... |
Quote:
Padhte rahein......... |
Zara si der mein ham kaise kholtey usko..
Zara Si Deir Mein Hum Kesey Khol'ty Usko... Tamaam Umer Lagi, Jhoot Bol'ty Usko Jesey Kasheed Kiya Tha Khumaar-e-Khushboo Sey... Misaal-e-Rang Hawaaon Mein Ghol'ty Usko Wo Khuwaab Mein Hi Uter'ta Shuaa-e-Subah Key Saath... Hum Apny Aap Hi Palkon Pey Toul'ty Usko Wo Ashk Tha, Usey Aankhon Mein Dafan Hona Tha... Gohar Na Tha Keh Sitaaron Mein Rol'ty Usko Wo Be'wafa Tha To Iqraar Lazmi Kerta... Kuch or Deir Meri Jaan Tatol'ty Usko Kisi Ki Aankh Sey "MOHSIN" Zaroor Peeta Hey... Tamaam Shahar Ney Deikha Hey Doul'ty Usko. |
[COLOR="Magenta"]mohsin naqvi [buhet barey shayer they
buhet oomdaa poetry share ki hey aap ne shaad saheb aur madhu ji vaah vaah/COLOR] |
Maqrooz Ke Bigray Huye Halaat Ki Maanind
Majboor Ke Honton Pe Sawaalaat Ki Maanind Dil Ka Teri Chaahat Mein Ajab Haal Hua Hai Sailaab Se Barbaad Makaanaat Ki Maanind Mein Un Mein Bhatkay Howay Jugnu Ki Tarah Hun Usss Shakhs Ki Aankhain Hain Kisi Raat Ki Maanind Dil Roz Sajaata Hun Mein Dulhan Ki Tarah Gham Roz Chalay Aatay Hain Baaraat Ki Maanind Ab Ye Bhi Nahi Yaad Ke Kya Naam Tha Os Ka Jis Shakhs Ko Maanga Tha Manaajaat Ki Maanind Kis Darja Muqaddas Hai Tere Qurb Ki Khwaahish Maasoom Se Bachay Ke Khayaalaat Ki Maanind Uss Shakhs Se Mera Milna Mumkin Hi Nahi Mein Pyaas Ka Sehra Hun Wo Barsaat Ki Maanind Samjhao Mohsin Us Ko Ke Ab Reham Kare Dukh Baant’ta Phirta Hai Woh Soghaat Ki Maanind |
Quote:
waahhhhhhh shaandaar gahzal se nawaaza hai bazm ko aapne...... bahut bahut shukriyaa |
Quote:
Waah lajwaab ashaar se saja hua kalaam pesh hai saba ji. Padhkar sukoon hasil hua... |
shukria shaad saheb shukria madhu ji
|
Ab Mohabbat ki Wakaalat Nahi Ki Ja Sakti Shehr Bhar se to Adaawat Nahi Ki Ja Sakti .mohsin naqvi Mera Chehra Meri Aankhain hain Salaamat Ab Bhi Kon Kehta Hai Wazaahat Nahi Ki Ja Sakti . Baat ye Hai k koi Toot k Chaahay to Sahi Her kisi se to Mohabbat Nahi Ki Ja Sakti . Aankh Kehti Hai Kahin Aur Chalay Jaayen Hum Dil ye Kehta Hai k Hijrat Nahi Ki Ja Sakti . Loh-e-Dil par Yehi Tehreer Likhi hay Mohsin Ishq Waalon ko Naseehat Nahi Ki Ja Sakti. |
Quote:
waaahhh waaahhhh nayab ghazal ka intekhaab kiyaa aapne saba saahiba.... bahut hi pasand aai hame..... aati rahen.. khush rahen Shaad........ |
shukria shaad saheb
buhet achi ghzal hey yeh mohsiin naqvi saheb ki |
Wo Jo Khud Pairvi-E-Ehd-E-Wafa Karta Tha Mujhse Milta Tha Tou Talqeen-E-Wafa Karta Tha Uske Daman Main Koi Phool Nahi Meray Liye Jo Meri Tangi-e-Damaa.n Ka Gila Karta Tha Aaj Jo Usko Bulaya Tou Wo Gumsum Hee Raha Dil Dhadaknay Ki Jo Awaz Suna Karta Tha Aaj Wo Meri Har Ek Baat Ke Maayni Poochay Jo Meri Soch Ki Tafseer Likha Karta Tha Uski Dehleez Par Sadiyon Se Khada Hoon “Mohsin” Mujhsay Milnay Ko Jo Lamhaat Gina Karta Tha…!!! |
Quote:
|
Quote:
bahaut bahaut bahut haseen kalaam pesh kiyaa hai aapne saba saahibaa..... main behad shukrguzaar hoon aapkaa jo aap ise hamaare saamne le kar aain.... aage bhi intezaar rahega................ Shukriyaa Shaad....... |
shukria shaad saheb ....................
|
Mein Ne Is Tor Se Chaha Tujhy Aksar Janan Jaisy Mahtab Ko Beant Samondar Chahy Jaisy Soraj Ki Kiran Seep K Dil Me Utry Jaisy Khushbo Ko Hawa Rang Se Hat Kar Chahy Jaisy Pathar K Kalaijy Se Kiran Phootti He Jaisy Ghunchy Khuly Mousam Se Hina Mangty Hein Jaisy Khabon Me Kheyalon Ki Kaman Tootti He Jaisy Barish Ki Dua Aabla Pa Mangty Hein Mera Her Khab Mere Sach Ki Gawahi De Ga Wosat E Deed Ne Tujh Se Teri Khahish Ki He Meri Sochon Me Kabhi Dekh Sarapa Apna Mein Ne Dunya Se Alag Teri Parastish Ki He Khahish E Deed Ka Mousam Jo Kabhi Dhundla Howa Noch Dali Hein Zamano Ki Naqabein Mein Ne Teri Palkon Pe Otarti Hoi Sobhon K Liye Torr Dali Hein Sitaroon Ki Tanabein Mein Ne Mein Ne Chaha K Tere Husan Ki Gulnar Fiza Meri Ghazalon Ki Qataron Se Dehakti Jaey Mein Ne Chaha K Mere Fun K Gulistan Ki Bahar Teri Ankhon K Gulabon Se Mehakti Jaey Tey To Ye Tha K Sajata Rahy Lafzon K Kanwal Mere Khamosh Kheyalon Me Takalum Tera Raqs Karta Rahy Bharta Rahy Khushbo Ka Khumar Meri Khahish K Jazeeron Me Tabasum Tera Too Magar Ajnabi Mahool Ki Parwarda Kiran Meri Bujhti Hoi Raton Ko Sehar Kar Na Saki Teri Sanson Me Maseehai Thi Lekin Too Bhi Chara E Zakham E Gham E Deeda E Tar Kar Na Saki Tujh Ko Ehsas Hi Kab He K Kisi Dard Ka Dagh Ankh Se Dil Me Utar Jaey To Kiya Hota He Too K Seemab Tabiyat He Tujhy Keya Maloom Mousam E Hijar Thehar Jaey To Keya Hota He Tony Os Morr Pe Torra He Taluq K Jahan Dekh Sakta Nahi Koi Bhi Palat Kar Janan Ab Ye Aalam He K Ankhein Jo Khulein Gi Apni Yad Aey Ga Teri Deed Ka Manzar Janan Mujh Se Mangy Ga Tere Ohad E Mohabbat Ka Hisab Tere Hijran Ka Dehakta Howa Mehshar Janan You Mere Dil K Barabar Tera Ghum Aya He Jaisy Sheeshy K Muqabil Koi Pathar Janan Jaisy Mahtab Ko BeAnt Samondar Chahy Mein Ne Is Tor Se Chaha Tujhy Aksar Janan |
Gino na zhakhm na dil say aziyatein poocho...
Gino Na Zakhm Na Dil Say Aziyatein Poocho
Jo Ho Sakay To Hareefon Ki Niyatein Poocho Hawa Ki Simt Na Dekho, Usay To Aana Hai Chiraagh_E_Akhir_E_Shab Say Wasiyatein Poocho Ujarr Chukay Ho To Ab Khud Pay Sochna Kaisa? Kaha Tha Kis Nay K Us Ki Mashiyatein Poocho Sanaan Pay Sajj Gaye Lekin Jhukay Na Sir Apne Sitam Garon Say Hamari Hemayatein Poocho Hazaar Zakhm Saho Phir Bhi Chup Raho "MOHSIN" Nahi Zaroori K Yaaron Ki Niyyatein Pocho. -Mohsin Naqvi |
|
|
|
|
All times are GMT +5.5. The time now is 04:14 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.