Shayri.com

Shayri.com (http://www.shayri.com/forums/index.php)
-   Shayri-e-Ishq (http://www.shayri.com/forums/forumdisplay.php?f=2)
-   -   Tere jaisa koyi dil mein samaya nahin (http://www.shayri.com/forums/showthread.php?t=75151)

prem_anjana 20th November 2012 12:52 PM

Tere jaisa koyi dil mein samaya nahin
 
aap sabhi ki khidmat mein kuch pesh kar raha hoon....pasand aane par aashirwaaad jaroor dijiyega.....aapka prem.....




Ishq tera nigahon se chupta nahin
Dil mera kahi bhi ab lagta nahin
Har taraf tera saya sa lagta mujhe
Tere jaisa koyi dil mein samaya nahin

Tera anaa aur bahon mein samana tera
Tujhko messoos karna aur pana tera
Mera khushiyon au gam se na rishta raqha
Mujhko tere bina kuch bhi pana nahin

Mai madhukar banu tu bane kamlini
mai sona banu tu hai heera kani
tu veena meri mai tera raag hoon
mera tere siwa koyi thikana nahin

band karke nigahen man mein dekhu tumhe
khuli aankhon se sabme talashu tumhe
mera maksad mera jeene ka aasra
ab tere siwa aur kuch bhi nahin

meri har raat ki neend pyari ho tum
sabse hat ke ho tum sabse nyari ho tum
tera sang pa ke meri jindgani bani
ab tere siwa kuch bhi pana nahin

man bagiya mein kesar ki kyari ho tum
mujh kanhaiya ki radha pyari ho tum
mujh "anjana" man ki yahi pyas hai
aas man ki kahin bhi bujhati nahin


All times are GMT +5.5. The time now is 10:33 AM.

Powered by vBulletin® Version 3.8.5
Copyright ©2000 - 2024, Jelsoft Enterprises Ltd.