wo gul hai gul khilana chaahta hai
eyk haliki phulki ghazal sdc ke ahbaab ki nazr
wo mujh ko warghalaanaa chaahta hai diye ki lao baRhaana chaahta hai mujhe uNgli thamana chaahta hai magar pahloo bachana chaahta hai mujhey pal pal jalana chaahta hai sazaa bhi shaaeraanah chaahta hai jisey who toRtaa hai muskuraa kar usee dil me Thekaanah chaahta hai wo rakhta hai nazar tirchee hamesha magar pakka nishaana chaahta hai wo qaatil hai ye sab hi jaantey hain usey phir bhi zamaanah chaahta hai merey pahloo me baithaa hai khafa saa wo har dhab se sataanaa chaahta hai mujhe baahoN me apni qaid kar ke paseene me nahana chaahta hai bahaaroN ka pata detaa hai maosam koyi ab muskuraana chaahta hai mujhe paighaam detaa hai nazar sey wo gul hai gul khilana chaahta hai ye dil bas husn ka rasiya nahi jee adaa bhi kaaferaanah chaahta hai naya hai daor aor hassas teywar naye charkey lagaana chaahta hai masoodhassaas kuwait |
bahot sunder
laajwaab ghazal .................................................. ......... |
Quote:
MashaAllah!!...bohat khoob Masood sahab...har sher lajawaab hai...dil se daad qubool kijiye...:) REPS ADDED ++++ |
khoobsurat kalaam
shayerana andaz men .............................:) |
Masood bhai,
Aapka natkhat aur albela sathi aapko akharta bhi hai aur apki khair bhi chahta hai..ek nihayat khubsurat ehsaas mujhe bahut pasand aye.. Sanjay sehgal |
bahut khoob andaazein bayan masood sahab....daad kubul karein...
|
Masood bhai...behad khoobsurat likha hai aapne...kaash meri kalam bhi aapki kalam ki tarah chale...to majja aa jaaye :)
bhagwaan kare ki aapki kalam aise hi chalti rhe aur hame aapko padne ka mokka milta rhe. god bless u |
aadaab
neetu bala ji aap ki mohabbao kholoos ka shukriya ada akarta hun |
aadaab
zainy saahbah badee khushi mili aap ki daad allaah aap ko bhi khushiyoN se nawaazey |
aadaab
manshaa thakkur ji aap ka aabhaari hun ki apa ne kalaam ko waqt diya aor daad bhi shukriya badey bhai |
taslee'maat Masood saheb,
bhai ek arsey baad aapki koi Ghazal padhi hai aur aapne is dafaa bhi mayous nahiiN kiya ek mayaari Ghazal hui hai aur bazm meiN aapne chaar chaaNd lagaa diye haiN, daad-o-mubarakbaad tasleem farmaiiye bohat shukriya rab raakha maikash |
Quote:
Aaj SDC me Aaya Aur Nazar Aap Ki Is KHubsurat GHazal Par Parri.... Ghazal BAhot Rawaaan Aur Sada Magar Dilkash Andaaz Me Hai... Romaaniyyat Ka Rang Liye Huay....Aur Is Ke Sath Sath Shaukh-o-Chanchal Bhi.... Bahot Lutf Mila Aap Ki Ye Ghazal Parh KAr.... Dheron Daad Qabool Farmaaiye KHush Rahiye Aur Yunhi Likhtay Rahiye |
aadaab
HAMDAM saahab aap ki daad ka niraala tareeqa badaa peyaara laga dil khush huwa :) badee meharbaani aap ki mukhlis masoodhassaas |
ARU saahab aadaab
aap jaise badey log jab kisi ki taareef karen to us ko itraana chaahiye so janaab ji main aap ki daad paa ke itraa raha hun :) badee meharbaani aap ki shukr adaa karta hun aap kaa aap ka chhota bhai masoodhassaas |
sunita di aadaab
aap ka aana mobaarak ho aap ke aane se ghazal ka rang nikhar gaya :) aap ki daad ne jahaan ek jaanib khud ko khshi aata ki waheen is baat ka bhi pata chala ki aap dil ki bahot baDee hain jo achha likh lene ke baad bhi is tarah se doosroN ko saraaha karti hain badee nawaazish aap ki aap ka chhota bhai masoodhassaas |
Quote:
WaaH ! Masood Bhai !! Kyaa Nayaab Ashaar Nikaale HaiN ..... HaseeN DilKash Ghazal Huii Janaab ... Dilee Mubaaraqbaad !!! :) |
Masood saaheb ..
Aap wakeyii bahut achha likhte haiN .. Kuch ashaar to halke fulke the aur jo nahi the unka to kya kahna .. Maalik aapko aur qaifiyat tasleem kare Daad qubool farmaaeiN |
Aadab Masood sahab,
Pehli baar padha hai aapko, sach me bohot accha laga... Daad kubool kare... Duaon ke saath ijazat... Abrar. |
Quote:
|
All times are GMT +5.5. The time now is 02:31 PM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.