"Ishk Ek Ibadat" ji se guftagu ka Silsilla(01.07.2015)
Namaskaar dosto…..lijiye ham phir aik baar aapke saamne hazir hai, guftagu ke silsiley ko aage badate hue
Dosto es baar guftagu meiN ham SDC ke aise shayar se baat kar rhe hai jinki shayri ko padte yeh pta nahi chalta ki aap prem ras meiN doob rhe hai ya Bhakti ras meiN. enki jayadatar shayri meiN Prabhu se pyar, milan ki tadap nazar aati hai. ham to enki shayri ke bahut kayal hai umeed hai aap sabne bhi enko pada hoga. yeh pichley 6 saal se SDC se judey hai, es lambhe arse meiN enhone SDC ko apne keemti waqt aur prem ki sugaat se SDC ko prem ras meiN doboye rakha hai, ham chahte hai enko shayri ke alawa bhi ham jaan sake so aaj ham enko es silsiley meiN le aaye hai, to chaliye aaj enko jaana jaaye enki jubaani :rolleyes: ab yeh shayar ka naam kya hai, aap sabki utsukta ko jayada na badate huey enka naam bata rhi hu. :)....."Ishk Ek Ibadat" (Rajinder Kumar Mehra)..... :) es mahine ham sab enke bare meiN wo sab kuch jaan.na chaheNge jo hame maloom nahi hai, hamne to bas enki rachnaye padi hai, par yeh asal zindgi meiN kaise ha ense hi jaanege ab :) Rajinder ji, aapka SDC ke es guftagu wale silsiley meiN dil se suwagat hai…umeed hai ki aap es gufatagu ko khoob enjoy karogey…aur ham sab bhi aapse baate karke khoob lutf uthaNge. Rajinder ji…es silsiley ko aage badate hue ham chahte hai ki sabse pehle aap apni introduction dijiye. 1. Aap kahan ke rehne wale hai ? 2. kya kaam karte hai 3. aapki family meiN kaun kaun hai…family se bhi thoda introduce karwa dijiye. 4. SDC se kaise judey aap ? 5. kya aapke pariwaar ka koi aur member bhi SDC pariwaar meiN shamil hai ? filhaal etna hi...aapke intejaar aur suwagat meiN SDC team :) SDC team ki taraf se Aik baar phir dil ki gehraiyoN se suwagat hai :) https://encrypted-tbn3.gstatic.com/i...hRvZpxvJzxy8nx |
Bahut shukriya dii...bahut hee achche shayar se milne ka mauka de rahi hain aap...ye guftguu yakeenan dilchasp hogi.....
Namaskaar rajinder jii....guftguu ke silsile me tah e dil se swaagat hai aapka...aapko padhna mujhe bhi bahut pasand hai...aapke bare mein janne ke liye utsuk hoon main..... Ye safar yaadgar ho aapke liye.... meri duayein kubool karein.. Jald hee fir hazir hoti hoon.. |
Quote:
1. Aap kahan ke rehne wale hai ? Main Delhi me rahta hoon aur Delhi ka rahne waala hoon vaise poorvaj kabhi 200 saal pahle Lahore se aaye the 2. kya kaam karte hai ? Accounts Consultant raha hun lekin pichhle 5 saal se kaam se apne ko retire kar liya hai 3. aapki family meiN kaun kaun hai…family se bhi thoda introduce karwa dijiye. Meri family me mere alaawa three brothers meri wife one daughter and one son daughter married hai aur son banglore me job karta hai and ek daughter aur thi jo 7 saal pahle 23 varsh ki avastha me thakurjee me vileen ho gayee. 4. SDC se kaise judey aap ? SDC se jodhne ka Shrey mere chhote bhai Naresh Mehra jee ko hai... 5. kya aapke pariwaar ka koi aur member bhi SDC pariwaar meiN shamil hai ? Haan mera chhota bhai Naresh Mehra Jee............ asha hai sawalon ke jabaab aapko santusht karenge radhe radhe |
Quote:
radhe radhe |
bahut khushii ki baat hai aaj apne saamne itne acche insaan aur itne puraan member ko interview thread me dekh kar....
dil se aapka swaagat hai rajinder jee.. main ummeed karta hoon aapkaa ye safar yaad gawaar , khushgawaar guzregaa..... aur ham sab ko aapke baare me jaanne ko bahut kuch milegaa.... aate rahen..... Shaad.... |
rajinder ji namaskaar...
aapki rachnaon me hamesha ek adhyatmik anubhooti hoti hai mujhe....mera bas ek chhota sa swaal hai shayri kis umra se kar rahe hain aap.. aur iski prerna kahaan se milti hai aapko.. |
Quote:
|
Quote:
Rajinder ji aapke bare meiN jaan kar accha lga aur haa hame accha lgega agar aapke chotte bhai (Naresh ji) bhi hame yahan aapke guftagu thread par nazar aayeN to :rolleyes: aapki beti ki be-waqt yahan se jaane ka muje Naresh ji bhi pta chala tha...behad afsos ki baat hai...yehi zindgi hai, apne haath meiN kuch nahi hai. ham Naresh ji ka dil se shukar-guzaar hai ki unhone hame aap jaisa shayar diya :) |
Rajinder ji...jab aapne SDC join ki to aapne shuru meiN kaun se aise shayroN ko pada jo aapko accha lga ki muje bhi member ban jana chahiye SDC ka.
SDC par aapke pasandida Shayar (unke naam mention kijiye ;-) ) |
Quote:
AApko padne ka saubhagy humein prapt hota hi rehta hai aaj aapko jaane ka bhi avsar prapt ho raha hai jis ke liye main SDC aur Apki shukra guzaar hun. Jaane kyu jab bhi main aapko padti hun to mujhe lagta hai koi bhajan pad rahi hun ya ishwar bhakti geet pad rahi hun. Kya ye mujhe sirf lagta hai ya phir aisa hai? kripya is baaremein baataien. Bohut waqt hua aapke chote bhai yahan nahi aaye , hum SDC members unhein miss karte hain. bade hi puraane aur behtareen members mein se ek hain woh, kripya humaari fariyaad un tak bhi pohunchaaiyega..:) |
Wah kya silsilaa shuru hua hai, har mahine humhe ek se badhkar ek shayar se rubaruu hone ka mauka miltaa hai is mehfil mein...Aapka bahut bahut swaagat hai is bazm mein...
Aate hi aapko sawaalon ki katghare mein gher liya gaya hai janaab ghabraiyeGaa mat yeh mehfil hi aisi hai umeed hai aapke baare mein bahut si jaankaari mileGii filhaal yeh jaankar aacha laga ki aap Naresh ji ke bhai haiN. Aata hoon jald hi apne sawaalon ko lekar main bhi |
Quote:
Aapka prashn hai ki shayri kis umr me shuru ki to mai aapko bataun ki mai andar se shayar nahi hu kabhi kabhi kinhi shayron ko padh liya karta hun bas jabse SDC parivaar se juda tabhi se mujhe kuchh likhne ki prerna shree jee thakurjee se mili aur likhna shuru kar diya usse pahle kabhi kuchh nahi likha Asha hai aapko mera jabaab santosh janak lagega Radhe Radhe |
Quote:
Jahan tak beti ke be waqt jaane ka sawaal hai to mera maanna hai koi bhi be waqt nahi jaata apne nishchit waqt par hi jaata hai. Har jeev ka role nishchit hai vo nibhaata hai aur chala jaata hai. Haan yaaden aur prernaay chhod jaata hai. Yahi jeevan hai. Naresh jee ka mai bhi shukgujaar hun ki unhone mujhe itne sundar SDC parivaar ka sadasy banvaaya. radhe radhe |
Rajender ji , Namaste
Aap jaise purane shayroN ke bare meIn jaan.ne ki her ek ki jigyasa hoti hai .. Maine aap ke profile meiN pera tha ki aap astrology se bhi jure haiN , kyonki maiN khud bhi is shauq se jura huN tau ye jan.na chahta hUN ki ye hunar aap ne kaise seekha . App Purane waqt ke shayroN aur aaj kal ki younger generation ki shayri / poetry meiN kya farq mehsoos kerte haIN. regdsn Sanjay Sehgal |
Quote:
Jahan tak pasandeeda shayron ka sawaal hai yun to sabhi achha aur behtar likhte hai fir bhi aapki ichha anusaar naam likh deta hun lekin jinka naam rah jaaye unse kshama prarthna kyonki meri nazar me sabhi achhe hain Sunita jee, Mast Bhai, Dhaval bhai Vikramjethi jee Madhu jee, Sarika jee Pulkit Gupta jee Rajinderseep jee Sagar Ashna jee Akaant jee Mayank jee, zainyjee, dainy bhai, zidd sahab, nareshjee, vikas bhai, Diya jee praneeta jee, radhikajee, sameer bhai, sazid bhai, kunal bhai, dheer bhai, vichy yaani taish bhai, lamha jee, kunal bhai, shaad bhai, rajveer bhai ye kuchh naam maine likh diye hain kuchh puraane member ab yahan nahi aate hain par unke naam likh diye kyonki unki shayri padhkar achha lagta hai radhe radhe |
Quote:
Naresh bhai ko mai jaroor bolunga ki SDC unhe miss kar rahi hai aasha hai vo jaroor yahan shirkat karenge. ab aapka sawaal Sarika jee mera khyaal aisa hai ki bhajan shabdon me nahi apne bhav me hota hai har shabd se kai bhav bante hain ham kaunsa grahan karte hain yeh hamaare bhav par nirbhar karta hai mai prem ke upar likhta hoon ab padhne wala usko sansaarik pyaar ya alokik pyar kahin bhi convert kar sakta hai yeh uska bhav hai jaise ek song hai Sangam Pic ka "O Mehbooba O Mehbooba Tere Dil ke paas hi hai meri Manzil is song ka ek ek shabd mere andar bhajan ban kar daudhta hai aur jo pic me dooba hai uske liye Raaj Kapoor aur Vaijantimaala ke pyaar ka song hai.. Aasha hai mere jabaab se aap santusht hongi radhe radhe |
Quote:
radhe radhe |
Quote:
Astrology mera shauk hai proffession nahi hai aap bhi jude hai is shauk se yeh jaankar bahut khushi hui. Puraane Shayron me aur aaj ki younger generation ki shayri me jo fark hai vo samay ka hai kyonki shayri dil ka kaam hai dimaag to shabd dhoondta hai ehsaas dil me paida hote hai jaise jaise vaatavarn badal raha hai shayri ka rup bhi badal raha hai shayri bhi mooltah do tarah ki hai ek muddon ki shayri aur ek prem ki shayri muddon ki shayri us samay ke halaat ke anusaar badalti rahti hai lekin prem ka mool swarup nahi badalta hai isliya shayri ka mool nahi badal sakta shayri shuru hi prem se hoti hai aur hamesha usi ke ird gird ghoomti hai isliye shabdon ka chayan badal sakta hai likhne ka andaaz juda ho sakta hai lekin ehsaas nahi vo to pahle bhi vaise hi the aur ab bhi vaise hi hain Asha hai aap mera baat ka marm samajh gaye honge radhe radhe |
Quote:
bahut achcha aapke bare me jankar...jald hee fir aaungi . |
Quote:
|
Quote:
Rajinder ji..........bahut accha lga aapka jawaab....aapse aik guzarish hai poore dil se ki Naresh bhaiyaa se kahiye ki SDC par jaldi aayeN, hame besabri se unka aur unki rachnayo ka intejaar hai. aur haan kya aapka Radhika ji ke touch meiN ? agar hai to un tak hamara paigaam pahuncha dijiye ki ham unko miss karte hai sdc par, arsa hua wo nazar nahi aaye :rolleyes: Rajinder ji, agla sawaal: 1. ab jab aap retire ho chuke hai to aap apna waqt kaise beeta.te hai ? 2. aapki pasannd / na-pasand kya hai ? 3. aapke daur ke aur aaj ke daur ke bacchon meiN kya fark mesoos karte hai aap ? 4. kya aapki dharam-patni ji bhi shuank rakhti hai shayri ka ? |
Quote:
|
Quote:
Rajinder ji kuch sawaal aur : 1. apne bachpan ki koi aisi baat jisne aapko zindgi bhar ke liye koi seekh di ho ? 2. bachpan ki koi aisi baat/shararat jisko yaad karke aap bhi aap muskuraye bina nahi reh paate ? |
charan spersh sir
Rajinder Ji,
Sir saadar charanspersh.. aap jis ummra ke paaydaan per hain vaha aap hamare liye pita ke samaan hain.. aapke jyadatar answer main padhta hoon.. aur aapko jaanker mujhe bahut khushi ho rahi hai.. main aapko padha hai.. aur aapke bhakti ke judaav ka rahshy jaanker ati prashann hua.. mujhe yah jaanker aur adhik khushi huyi.. Naresh mehra sir aapke bhai aur unhone aapko prerit kiya sdc se judane ke liye... mujhe bhi aapse kuchh jaanne hain.. 1. Pita putra ke kisi Parivaik matter per matbhed hone per pita ke najriye se aapka kya ravaiya rahata hai..??? 2. Ek bęte ko apani job ke respect me bahar rahana hota hai.. parents ke saath kam samay byateet ho pata hai.. ek father ke najariye se bęte ke prati father-mother ki bhavna kya hogi??? Akant... |
Quote:
|
Waaah rajinder ji...bahut hee saralta se aap sAbhi parshon ka uttar de rahe hain...bahut achvha laga aapko padhkar...aur har ghatna wakai jeevan ki ek koi na koi seekh de jati hai....ye baat wakai sach hai.....
aise hee jawaab dete rahiye... filhaal ijazat dein..... |
Quote:
radhe radhe |
Quote:
Madhu jee aapko mere uttar pasand aaye iska shukriya.......... aati rahen duaon ke saath |
Rajinder jee
Aapka dil se swaagat haii.... Aapka Dhaval |
Quote:
aate rahiye duaon ke saath |
Rajinder ji, aapke jawaab pad kar bahut accha lag rha hai...aur ham aapka shukriya bhi adda karna chahte hai jo aapne hamara paigaam Naresh ji tak pahunchaya.
hamara agla sawaal : 1. kya aapki shaadi arrange thi ya love ? 2. agar love marriage thi to apne pyar ke kuch kisse sunaye hame :rolleyes: 3. agar arrrange thi to aapne kab aur kaise dekha apni shrimati ji ko pehli baar ? |
Namashkaar Dosto !
Mohtarima Sunita Bahan Aur Tamaam SDC Ke Chaahane Wale Dosto Ki Pur Khuloos Mohabbat Ne Ek Baar Phir Se Mujhe Sada Dekar Aakhir Bulaa Hi Liya ... Bhagwaan Se Duaa Hai .. Aap Sab Sa-Parivaar Swasth Khush Aur Humesha Salaamat RaheN ... !!! Bhai Rajender K Mehra Ji ... Sirf Mere BaDhe Bhai NahiN HaiN ... Unn MeN MaiN Apne Pita Ka Aks Dekhta HooN ... Woh Hi Sab Anubhutiyaa'N Mere Andar Hoti HaiN .. Jo Unn Dino Apne Pita Ke Saath Hua Karti ThiiN ... Inn ShabdoN MeN Hii Unn Se Mere Prem Ka Puura Saar Aap Ko Mil Jaayega ... Aadarniye Rajender Bhai ... SDC Ke Iss Shaandaar Guftaguu Manch Par Aap Kaa Haardik Abhinandan Hai .... Mohtarima Sunita Bahan .. Aakhir Aap Ko Phir Se Guftaguu Ke Katghare MeN Le Hii AayeeN ... Bahut Khushi Ho Rahi Hai YahaaN Aap ko Phir Se Dekh Kar ... Jiss KhulePan Se ... Jiss Mohabaat Se ... Jiss Gambhirtaa Se ... Aapne SawaaloN Ke Jawaab Diye ... Usski Khoobsurti Ko BayaaN Karna Zara Mushkil Ho Raha Hai ... Par Dosto Ki Santushti Uss Aor Ishaara Zaroor Kar Rahi Hai ... Aur Main Toh Sab Jaanta Hii HooN Aap Ke Baare MaiN ... BaDhe Bhai ... Mera Aap Se Pahla Seedha Sawaal Bhi Yeh Hai ... Aap Mujhe Woh Ek Khaas Baat BataayeN ... Jo Main Kabhi NahiN JaaN Paaya ? Agar Zaroori Samajhe Toh ... Sab Ke Saamne ... NahiN Toh Kabhi Kaan MeN Bataa Denaa .... Aaj Ke Liye Intaa Bahut Hoga ... Phir Milte HaiN ... ShukriyaaH |
Quote:
Maanniya Naresh ji...... khush aamdeed ..... welcome..... tahe dil se istaqbaal hai aapkaa ek baar fir se usi bazm me jiskii aap shaan huaa karte they.... we really missed you alot but glad to see u here again..... aapkaa aapke bade bhai ke saath o rishta hai use dekh kar yaqeenan aankh nam ho gayee hai aur aapkaa sawaal bhiii bahut naazuk sa pesh kiyaa hai... mujhe ummeed hai iska jawaab bhi jald ham sab ko padhne milegaa, agar aap dono bhai is baat se sahmat hon .... aate rahiyegaa..... duaaon me yaad rakkhen..... Shaad.... |
Quote:
namaskaar naresh ji... bahut khushi hui aapko yahaan dekhkar...aur bahut achcha laga ki sabke dil ki sadayein aap tak pahunchi..aur aap yahaan aaye...aapke sneh aur sath ki hame hamesha hee zaroorat hai...aapse yahi iltzaa hai aate rahiyega yoon hee taki hame aapka sath milta rahe.... aapke pooche gaye sawaal ke jawaab ka intzaar hame bhi hai...:) shukriya ek baar fir se.. asheerwaad banayein rakhein.. [/QUOTE] |
Quote:
Hamaari shaadi ko hue 37 saal ho gaye yakeenan arrange marriage hai. Shaadi ki baat sunkar to mere bachche bhi haste hain ki dady aisa kaise hua. 1978 me mai Maharashtr ke ek shahar Boisar me tha mere pitajee ka letter aaya ki beta hamne tumhaare liye tumse bina pooche ek khoobsoorat dost dhoond liya hai tum yeh batao tumhe koi aitraaj to nahi aur tum kab aa sakte ho. Mai thoda hairaan to tha par man me yeh vishwaas tha pita ne jo dhoonda hai vo achha hi hoga aur unki khushi se badhkar koi cheej nahi hai. Main apne aane ki tareek 9 april likh dee lekin kaha ki one week se jyada nahi rah paunga pitaaje ne ladki walon ko 10 April ko bulaaya aur bas hamari yahi pahli mulaqaat thi usi din sagai ring ceremony god bharyee jaisi rasme bhi ho gayee aur vo log raat ki gaadi se vaapas agra chale bhi gaye bas yahi jhalak dekhi thi jitni der bhi rahe baat to hamaare beech koi hui hi nahi. Bus fir 22 june 1978 ko ham bandhan me bandh gaye aur bahut hi khushkismat hoon ki parivaar ko samarpit jeevan saathi paakar. Sabhi tarah se ham dono santusht hai ek doosre se. Love affair to ek hi hai jeevan ka vo hai Radha krishn ke saath ham dono ka. Asha karta hun Sunita jee aapke sawaal ka jawaab sahi tarah se de paaya hoonga. Radhe Radhe |
Quote:
Naresh Bhai, Aashirwaad Tum is bazm me aayoge iska mujhe vishwaas tha aur mera intzaar khatm hua asha karta hoon ki is parivaar me ab tum nity aaya karoge. Jahan tak tumhaare prashn ka sawaal hai aisa koi apne jeevan ka rahasay meri yaad me to nahi hai chaahe achha ho ya bura jo maine apne ghar me share na kiya ho kyonki mai jaanta hoon ki mera jeevan to ek khuli kitaab ki tarah hai jo hai vo hai jo nahi hai vo nahi hai koi parda nahi. Fir bhi dhyaan se koshish karta hoon agar koi baat man me aa gayee to jaroor share karunga. Radhe Radhe |
Heatrly Welcome Naresh Bhaiyaa
Quote:
Namaskaar Naresh bhaiyaa :) behaddddddddddd accha lag rha hai aapko phir se apne pariwaar meiN dekh kar...bas shukriya kahuNgi aapko aur kuch kehne ke liye lafz kam hai mere paas :) aur Rajinder ji ka bhi dil se shukriya adda karti hu jo unhone mera paigaam aap tak pahunchaya....kyuki pehle bheje gye paigaam par to refusal hi aa rha tha ab tak :D ab aapko roz roz ana hoga SDC par aur apne tazza kalaam jinse sdc mehroom rhi hai kuch waqt se un sabhi ko yahan bhi post karna hoga aapko :) regards :) |
Quote:
aapki shaadi ka kissa padkar bahut accha lga :) Rajinder ji 1. aapka mapasand Hill station kaun sa hai ? 2. aap shaadi ke baad pehli baar apni shrimati ji ke saath kahan goomne gye thy ? 3. apne chotte bhai -behno ke saath aapki koi aisi yaad bachpan ki jo lagta hai ki kal ki to baat hai yeh ? |
Quote:
Radhe Radhe |
Thank you
Quote:
Aapka javab se man ko bahut sukun aur shanti mili.. aur kuchh nasihat bhi mili.. aapne bakhubi prashno ke uttar likhe.. yah prashna main her aadmi se nahi puchh sakta tha..esliye mujhe laga ki aap mujhe satik uttar awasya denge.. eske liye main aapka abhaari hoon.. dil se dhanyvaad sir.. eswer aapke jeevn ko nirogit rakhe..aap swasthya aur khushhaal rahein ..yahi eswer se vinati hai.. Akant... |
All times are GMT +5.5. The time now is 04:46 AM. |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.