Originally Posted by masoodhassas
Wo kahtaa hai ki main us ki taareef me mobaalgha se kaam le rahaa hun jab ki wo merey ehsasaat se bhi zeyaadah haseen hai . baqaol us ke meree jhooti taareef use pasand nahi isee liye naye lehje me ek taza ghazal kiun ki uski dharkanon ki aahat ko bhi main apnee palkon ke shaamiyaane me qaid kar letaa hun
Meyre zakhmon ke liye marham hai wo
Haan magar thoraa bahot barham hai wo
Khaksaari uski jism o jaan hai
Is liye shaayad bahot pur kham hai wo
Waqt se halaat se hai baa khabar
Khair o shar ka is liye sangam hai wo
Munsalik ho kar bhi hain bikhre huye
Main agar dinaar hun dirham hai wo
Hai shaguftah guftagu us ki bahot
Har basher ke waaste sargam hai wo
Faisle us ke hamesha hain ghalat
Jab ki apnee zaat me parcham hai wo
Is tarah Hassaas us ki zaat hai
merey aansoo dekh ke pur nam hai wo
Barham .. naaraaz ,,,, khaaaksaari …. Apne aap ko kam aanknaa ,,,pur kham .. terhaa ,,,,,, khair o shar … achhaayi aor buraayi ,,,,munsalik .. atteche …..shaguftah …. Khilee huyi … parcham .. flag ,,,Hassaas ..sensitive ,,, pur nam .. aankhon me aansoo liye
|