[talib]

Meeta G aur Chaand Bhai..aap sab se phir ek baar gustakhi ki maufi chahta hoon.. jo sher meine likhe the woh mere nahi janaab Bashir Badr sahab ke hain.. mein unka naam likhna bhool gaya... ummeed hai yeh khata-e-beikhteyaar aap darguzar farmaayenge....


aap ki nazar poori gazal pesh karta hoon...lutf andoz kalaam hai yeh...


muhabbato.n me.n dikhaave kii dostii na milaa
agar gale nahii.n milataa to haath bhii na milaa

gharo.n pe naam the naamo.n ke saath ohade the
bahut talaash kiyaa koii aadamii na milaa

tamaam rishto.n ko mai.n ghar pe chho.D aayaa thaa
phir isake baad mujhe koii ajanabii na milaa

bahut ajiib hai ye qurbato.n kii duurii bhii
vo mere saath rahaa aur mujhe kabhii na milaa

*qubat = nazdikee, closeness.

Khudaa kii itanii ba.Dii qaayanaat me.n mai.n ne
bas ek ShaKhs ko maa.Ngaa mujhe vo hii na milaa


Take care