Teri wafa teri hurmat pe harf ata hai
Jo such kahu’n to muhabbat pe harf ata hai
Khud apney husn se tu badguman’n na ho jana’n
You’n aainey ki sadaqat pe harf ata hai
Bus aik khwab tha shaaid tumhara milna bhi
Yaqi’n karu’n to haqiqat pe harf ata hai
Bikhar na paey jo khushbu hi us k paikar se
To phir you’n phool ki fitrat pe harf ata hai
Main apney dil ko banau’n khushi ka maskan kyu’n
Tumharey ghum ki alamat pe harf ata hai
yeh apney khwab zamaney ki ankh mein rakh du’n
Magar kisi ki amanat pe harf ata hai
Sitamgaro’n ko lahoo apna bakhsh de shahi
Wagarna rasm-e-sakhawat pe harf ata hai.