Bhabhi ji namaste ..
mere paas kehne ke liye waise bohat kuch hai .. lekin aapke sawaal ka jawaab to aapke hi sawaal main dikh jayega aapko .. gaur kijiye apni baat pe ..
kya is baat ka jawaab hai aapke paas ki 9 saal tak aap kahan the .. kyuN 9 saal tak aapne sudh tak nahi li uski jo aapse itni baat karta tha ..
kya meri aapke sath koi takraar hui ... kya aapse koi matbhed the mere .. ya kuch aur .. in sab ka jawaab hai .. NAHI...! to phir itne saaloN tak aapko khyaal tak kyuN nahi aaya .. chalo maan leta huN maiN bura huN maine nahi dekha kisi ko palat ke .. par aapne kyuN nahi ek baar bhi nahi koshish ki .. agar man main itna apna pan tha to aaj tak kahan the aap .. ya maaro goli .. ab bhi koun se aap mere se itni baat karte ho .. aise main aapko kya pata main ab kaisa reh gaya huN ya main ab wo nahi raha jo main tha ... ye self presumption se kyuN itna kuch soch liya
tum bhi jaante ho ki meri tumse kabhi koi ladaayi nahi hui. aur ye bhi jaante ho ki shaadi ke just baad main mumbai aa gayi. mera number bhi badal gaya aur tumhara number bhi ghum gaya. uss waqt facebook to tha nahi ki kisi ko yaad karo aur search mein naam type karo to mil jaaye.
aisa nahi hai ki ye aapne intentionally kiya .. ye main bhi jaanta huN .. ek daur aaya tha bhabhi .. sab jaante hai .. mujhe ujaad ke rakh diya us waqt ne maiN bohat toota tha .. aur mujhe bohat dukh ke sath kehna pad raha hai .. isi SDC ke bohat mere apne the jo .. unhone hi mujhe barbaad karne main poora hath rakha .. khair main ab kisi k naam nahi lena chahuNga .. wo daur beet chuka hai .. aapki aur aur mast bhai ki baat karuN to aap donoN ki zindagi bhi bohat waqt baad karwat badli thi .. aapko usme set hona tha .. aapke paas shayad kisi aur ke baare main sochne ka shayad waqt nahi tha.. aur main samajhta huN ki us waqt main aapko apne future ko sochna tha .. lazim tha usme apne aap ko aage leke jaana ..
aur SDC se bhi hum log kat gaye 2006 ke baad seedha 2014 mein shakl dekhi SDC ki. aur sach baat to ye hai ki mujhe ye lagaa ki tumhaari ab tak shaadi ho chuki hogi aur tum bhi apni duniya mein busy hoge agar insaan ko pata ho ki koi dukhi hai to shayad uska saath dene ke liye insaan kahi se number arrange karne ki koshish bhi karta hai.
rahi meri baat maiN kabhi kahiN kisi zindagi ka important hissa tha hi nahi .. aap logoN ko bhi shayad main kabhi nahi dikha ... ya yuN kahiye ki sochne ka waqt hi nahi mila aapko bhi ... aise main ye doori aana laazmi hai bhabhi jee.. bohat toota tha main us daur maiN .. mera pyar meri zindagi thi roopali par kisi ko farq nahi pada ki maine kya kho diya .. aisa nahi meri baat mast bhai se nahi hui is baare main unse bhi hui thi .. par unka sath bhi bas naam bhar ka tha .. darasal kisi ko laga hi nahi ki mujhe bhi dard ho sakta hai ... uske baad bhi meri zindagi main kuch sahi nahi raha .. zindagi se utha patak meri chalti hi rahi .. sab kuch hi bigadta chala gaya .. khair wo sab ab beet chuka hai ..
Jahan tak mujhe pataa hai ki Anu ko bhi aapke aur rupali ke rishta tootne ki baat tabhi pata chali jab hum dobara SDC par aaye aur tumse phir mile. hum dono khaaskar main jaanti thi ki tum uske liye bohut serious the. tumhaari har baat mein uski baat hoti thi so sun kar bohut bura bhi laga magar humne gade murde ukhaadna sahi nahi samjha kyunki usse sirf tumhe hi dard hota. aur phir itne saalo baad shayad humara iss topic par interest lena tumhe akhar sakta tha. iss liye tumhe dukh na pohunche humne iss topic ko nahi cheda. (ek insaan pareshaan ho aur dusra log kya hua kya hua kar ke pareshan kar dete hain plus us baat ko bhi bohut saal beet chuke the)
rahi baat mere pehle jaise na rehne ki .. to bhabhi jee pehle .. pehle ki tarah apna kar dekho .. bajaai ye sochne ke main waisa nahi raha .. ye socho ki ab ye gap hai to kyuN hai .. mere aas paas aaiye to sahi .. mujhe dekhiye to sahi .. maiN wahi huN .. jaisa tha .. wahi jiske dil main hazaaroN emotion baste the .. aaj bhi ehsaasoN ke liye bohat kaccha huN maiN .. aaj bhi apno ke sath ke liye utna hi bechain huN jitna pehle hua karta tha.. aur to aur meri to kad kaathi kaaya .. kuch bhi nahi badla .. log aaj bhi 23 24 saal ka hi kehte hai ..
23-24 saal ka lol...........wo to hai. 
maine koshish kari tumse baat karne ki aur us din bhi maine casually kaha tha ki jokes par tag mat karo tumhe laga ki main bura maan gayi hoon ya tumhara aisa karna mujhe bura laga. darasal main sab ko hi kehti huun ki unless it is related to me don't tag me. aur tum ek dum bhadak gaye sach kahoon to main dar gayi thi us din ke baad aur usi din mujhe laga ki tum wo kunaal nahi ho jise main din mein kaii baar bol deti thi ki office mein hu baat nahi kar sakti aur wo phir bhi bina bura maane baad mein call kar leta tha. Mujhe pata hai ki insaan jab bohut gussa kare to samjho uski ladaayi aapse nahi khud se hai. bohut mann chaha kisi din tumse baat karoon magar kuch baatein phone par ya whatsapp par nahi hoti unke liye bande ka saamne hona zaroori hota hai, warna arth ka anarth hote der nahi lagti.
lekin mera ye sab kehna bemaana hai kyuNki mere kehne se sab saccha ya jhootha nahi ho jayega.. mujhe wahi jaan sakta hai jo mere kareeb hai .. jinka sath mere sath hai aaj bhi ..
bohat ziyadah keh gaya huN .. ho sakta hai main ghalat bhi huN .. kuch bura lag gaya ho to muafi bhi maagta huN .. bhaabhi to maa ke samaan hoti hai .. muaaf zaroor kar degi maiN jaanta huN ..
main jo bata sakti thi bataa diya. tumhaari kisi bhi baat ka bilkul bura nahi lagaa mujhe. to muaafi kis baat ki? tum hoge Kunal ji sabke liye magar main to tumhe usi 18-19 saal ke bache ki tarah hi yaad karti hoon jise maine kaha tha ki tumhaari shadi ho rahi hai bal vivaah kar rahe ho kya aur tumne kaha tha nahi bhabhi main 23 saal ka hoon. kitna bura lagta tha na tab tumhe jab tumhe koi chota kehta tha..........chidd jaate the
Apna khyaal rakho. aur zyada mat socha karo ki tum kisi ki zindagi mein important nahi ho and blah.......blah...........
Aur jaldi se achi si ladki dhoondho aur shadi mein bula lena. ok? ( uske liye tum duniya mein sabse important hoge aur shayad tumhaara gussa bhi kam ho jaaye... Ab ye mat kehna ki main to gussa hi nahi karta. LOL)
Tumhari bhabhi
Sarika