[KunaaL]

doston ,

bohat shukirya ... aapke apne pan ke liye...aapke pyar ke liye ... kahani ko phir kafi samay bad aage badha raha hun .. umeed hai ye bhag padhke aapki shikayaton ko kuch had tak door kar paunga ... aur koshish karounga ki aapko phir se naaraz hone ka mauka na doun ... pichle kuch din yuN beete ki sans lene ke liye bhi sochna padha ... par ab shayad aapse nata yuN na tootega .. apni maujdgi ke sath aapki is pyari theread ko bhi sajata rahuNga ... yahi soch pesh kar raha hun aage ki kahani aur maiNe abki baar thoda sa jyada bhi likha hai ... ... kunal


Badalte Rang (Part-7)

Meghna bhi chup si ho gayi thi … par usne aage kehna shuru kiya … tabhi darwaze pe kadkhada hat hui … meghna ne uske hath pe kat khaya aur jhat se darwaza khol diya … bahar aur koi nahi vishal khada tha … jiski samajh main waha ki sari kahani aa gayi … usne suresh ko wahiN rok diya … aur use mara bhi … waqt gujarte hi mama ji bhi ghar a gaye …. Par aur maiNe sari kahani keh sunayi … par suresh ne ulta mujhpe ilzaam laga diya ki maiNe use bhadkaya … aur mere mama ne bade aasani se uski baat man bhi li … maa ko bhi mujhpe yakeen na tha … unka kehna wahi tha … ki teri hi koi kamjori ka nateeja hai ye … khair us din main barbaad hote hote bachi … aur shayad suresh neb hi uske bad meri taraf dekhna band kar diya … bohat ghutan hoti thi wahaN … par majboor thi main bohat … tumhari bhi bohat yaad aati thi .. par main tumhare paas nahi aa sakti thi … maiNe apni padhi ki taraf hi dhayan dena theek samjha … aur dheere dheere… maiNe collage jana bhi shuru kar diya …

vishal se meri bohat acchi dosti bhi ho gayi … shayad us poore sehar main mujhe who hi ek aisa banda lagta tha jo mujhe samajhta hai ,… mujhe jaanta hai… din beete gaye … main aur vishal kareeb aate rahe … aur ek din mujhe yakeen ho hi gaya ki main wakai usse pyaar karti huN … uske saath rehna mujhe accha lagta tha … aur usse doori mujhe bechain kar jaati thi … bohat himmat karke main eek din vishal se apne dil ki baat keh hi dali … aur khushi ka thikna tab na raha jab mujhe pata chala … ki wo bhi mujhse pyar karta hai … har din mera khil gaya tha .. aur raat pyar ki khushbu se mehakne lagi thi …. Aksar kehta tha ki shayad koi bohat acche karam kiye honge jot um mili… mere aur vishal ke beech ke fasle ghatte gaye ,… aur ek din hum dono ki seemayeN toot gayi … par mujhe koi dukh na tha is baat ka … pyar mujhe vishal bhi bohat karta tha shayad … aur ek din ye baat suresh ko pata chal gayi … usne meri mom ko sab bata diya … mom ne mujhe bohat maara .. maine kaha ki main usse shadi karma chahati huN … to unhone phir meri pitayi ki … aur mere ghar se nikalne per ok laga di … vishal se na mil saki main kayi din tak .. aur ek din usne mujhe mauka pake phone kiya ,…. Aur milne ke liye bulaya .. aur ye bhi kaha main na gayi to wo apni jaan de dega .. mujhe usse pyara koi na tha … rat ko ek baje main usse milne gayi … aur use sari kahani keh sunayi … aur poocha kya who mujhse shadi karega …. Usne haN kaha .. aur mujhe pyar kiya … par uske pyar ka tareeka badal chukka tha … ek hawas si nazar aati thi uski aaNkhoN main … mujhe roz raat ko usse milne jana hota .. halaNki do teen bar meri pitayio ho gayi par main na mani … us aur vishal bhi mujhe bade alag type ke lagte .. aur ek din maiNe pareshan ho ke keh diy … ki batao kab karoge mujhse shadi … agar aisa hi raha to main ab na aaouNgi … aur tumse sare waste tod douNgi … to usne mujhse saaf keh diya … ki wo mujhse shadi nahi karega … au raise hi rakhna chahata hai mujhe … mere dil ke tukde tukde kar diye usne .. aur chala gaya … main barbaad ho chuki thi ,… jeene ka koi maksad nazar nahi aa raha tha … par main kuch nahi kar sakti thi … maine jeena chor diya tha .. bas roti rehti thi baithe baihe …kya karti ... bas yuN hi rote hue din katte ja rahe the .. par koi kab tak apne aapko yuN rkh sakta hai … waqt jhakam pe ek khal to chada hi deta hai .. mere jhakham bhi bhar gaye the .. par dard kam na hua tha …. Isi beech phir mom & dad ke talaak ke papers khul gaye … aur court main aana jana shuru ho gaya … faisla papa ke haq main gaya .. par mere upar koi faisla nahi ho paya .. mom ko muavza chaiye tha … unhone agli adalat main case dal diya dad ko divorce nahi diya … par mujhse poocha gaya main kahan rehna chahti huN … us sehar main jahan main apna sab kuch gawa chuki thi … wahaN rehna na munkin tha … maine papa ke sath rehna pasand kiya … aur main Mumbai ja pahuNchi papa ke sath rehne.. kyuNki dad ka transfer ho chukka tha kolkata se …

ek naye sehar main … naye logon ke beech … phir se apni pehchan ki talaash main … papa se main khush rehti thi … din bhar maiN ghar pe akeli rehti par mujhe sukoon tha wahan ki mujhe yahan koi tention nahi… par mere bhagya main sakoon to kabhi likha hi nahi tha pata chala papa bhi dosri shadi karma chahte hai .. jo ki unke hi office main kaam karti hai … who aksar ghar ati aur mujhse na jane kya kya karati .. mujhe tane dena uski aadat main tha … aur mujhpe aarop lagana uski aadat … khair main phir se udas rehne lagi thi .. koi kaam to tha nahi.. padai karti bhi to kya … par maine baccho ko tution padhana shuru kar diya tha … mera dil behal jata tha un masoom chehroN ko hansta dekh ke … aur apne dil ka sara dard bhool sa jati thi main unke sath …

din beette ja rahe the … katte katte do saal beet gaye tumse juda hue … tumhari bohat yaad aati thi par main phir bhi asahay thi tumse mil pane main …par dil pea b bojh kam rehne laga tha … apne upar pachtawa hota tha .. par dil ko samjhana hi mujhe theek lagta .. yuN hi ek din baccho ko khilane ka man hua … society maiN neeche park tha … socha kyuN na sab baccho ko wahaN treet karoo … aur sab baccho ko leke main chal padi neeche … sab ko wahan maine khelne ke liye chor diya aur yun hi tehalne lagi .. baccho ko dekhte dekhte .. aur phir main ek bench pe baith gayi … ek ladki aayi aur baith gayi wahiN .. usne mujhe gaur se dekha aur poocha … nayi rehne aayi ho kya … pehle kabhi dekha nahi tumhe …. Maine jawab diya nahi aaye hue kafi din ho gaye par kabhi bahar nikalne ka time nahi milta … who hansi aur boli kabhi kabhi khud ko bhi waqt dena chaiye ,… maine kaha koi jaan pehchaan nahi na … kiske yahaN jauN . usne hanste hue kaha … arre bas itni si baat to ye lo main huN na pehchaan ke liye .. aur waise bhi meri koi saheli nahi .. collage khatam hone ke baad sabse link toot sa gaya hai … uska naam shikha tha … aur wahiN neeche 2nd floor pe rehti thi wo ...... aur uske baad aana jana shuru ho gaya uska mere yahaaN … mujhse umra main badi thi par meri aur uski acchi jamti thi … kafi time mere sath gujarti … aur apni saari bateN mujhe batati .. aur main bhi … aur meri ek pakki saheli ki tarah lagne lagi mujhe .. mujhe pata chala uska ek aadmi se affair hai jo ki usse 10 ya 12 sal bada hai .. aur uska divorce ho chukka hai uski wife se … ek ladka hai jo hostel main padhta hai … par phir bhi shikha usse pyar karti thi … bohat marta tha shikha ko wo .. halanki shikha ek bohat khoobsoorat ladki thi par tab bhi … won a jane kyuN usse hi pyar karti … main samjhati use par wo yahi kehti jab tujhe ho jayega kisi se tab pata chalega .. ek din yuN hi wo mere ghar aayi hui thi … tabhi door bell baji .. maine darwaza khola to ek bohat khoobsoorat ladka meri nazroN ke samne tha … who bhi mujhe dekh khada reh gaya .. par doosre hi pal poocha usne mujhse … kya shikha ghar par hai ... poocha maine aap kouN to jawab mila ki wo uska bhai hai … maine use andar bulaya to usne bas itna kaha ki use bol dijiye papa bula rahe hai .. pahunch jaye … aur chala gaya … maine shikha ko bata diya aur wo bhi chali gayi kuch dair main ..

kayi din beet gaye is baat ko … shikha ka bhai bhi aay din mujhe yahan wahan mil jata .. aur bohat acche se pesh aata .. din bohat acche gujar rahe the … shikha ko soch kar dukh hota tha .. par khushi hoti thi use dekh ki wakai who boaht himmat wali hai … par shayad meri baton ka asar kisi aur par hi ho raha tha … shikha ka bhai mujhme kuch jyada hi intrest rakhta … shikha ke bahane se ghar aata .. bohat hansata .., aur kayi bar kahaniya sunnane lagta … ravi naam tha uska …. Par uski nazar mujh par aa chuki thi is baat se main bekhabar thi … apar kabhi kabhi mehsoos hota tha … aur dheere dheere mujhe bhi wo accha lagne laga tha … uske sath hum ghumne jate .. khoob masti karte … aur ek din usne mujhse apne dil ki baat kahi… maine yuN to use mana kar diya par uski baton ne mujhe ek pal chain se na rehne diya … kayi dino tak maiN talti rahi .. par ek din khud ko na rok saki … aur usko apni kismet main likhne ka faisla kar liya… aur chup chup ke bahar milne lagi usse … din phir ek baar khilne lage the ,… khushiyaN kadnmo main aa gayi thi .. hum dono khoob masti karte .. ravi bohat kharcha karta tha … mere kehne se pehle who cheez mere samne hoti .. samundar kinare hum dono ghanto wade karte .. bate karte … aur kabhi kabhi disco bhi jate …. Ravi boaht hi accha lagta tha mujhe .. uska roz disco jana to tay hota … aur mujhe jab kabhi bhi bula leta wo… ek din socha ki jake usse miluN khud hi surprise douN … main pahuNchi wahaN aur apne sapno ke mehloN ko liye… par mere sapne phir tootne ko tayaar ho chuke the … aur jo wahan dekha to phir se apne ko mitti main mila paya … ravi kisi aur ladki ke sath bahOn main baheN dale naach raha tha … use hath lagata to mujhe chubhan hoti gayi .. aur main ravi ke samne pahuNch gayi .. ravi ke chehre ka rang ud gaya … aur uske samne mujhse keh diya ki wo mujhse pyar nahi karta aur sirf ek dost manta hai .. aur usne ye bat bhi jhutla di ki kabhi usne mujhe propose kiya tha … main reh na saki aur rote hue ghar wapas aa gayi … apni jindgi se nafrat hone lagi thi mujhe … maiNe sari bateN shikha ko keh di .. usne sath mera diya par kya karte hum…. Par dukh sirf yahiN khatam nahi hue… mom aur dad ke beech na jane kya sattlment hua … salon se ladte aa rahe dono main patch up ho gaya … aur moM Mumbai humare sath rehne aa gayi .. mom ne dad ko beeti sari bateN keh daali … au papa ki nazron se bhi gira diya mujhe … bas ek hi sahara thi meri shikha … uske sath hio waqt biitha.. wo drink karne lagi thi .. aur uske gham main apna gham mila main bhi us rah tak ja pahunchi … ek masoom sa chehra sharab main apni hansi dhundne laga … aur kab main uski aadi ho gayi pata nahi chala … jahaN duniya main bewafai ke alawa kuch na mila … ghar main bhi jissmon ka khel dekha … koi apna na tha jahaN main .. bas us nasheeli duniya ke alawa… papa ka transfer delhi ho gaya .. phir yahan aana pada … aur wo lat nahi chor payi …par shayad tumse milane ke liye khuda ne mujhe us jagah tak pahuNchaya .. aur main tumhe us halat main mili … socha na tha yuN miluNgi tumse .. jab pata chala ki tumse yuN mili huN to apnse se naffrat hone lagi … par us din se soch liya tha ki ab ye sab chor dungi … tumhare sath ne jindgi badal di .. main phir se jee uthi … isi liye main apne ghar nahi gayi … aur yahan aake main phir se jee uthi .. jo pyar tumse mila sach phir wo tumare aansoo yaad aa gaye … aur sach jo pyar kahiN dab gaya tha phir se jee utha ..

sach arjuN main tumse bohat pyar karti huN … aur jab se pata chala hai tumhari shadi kavita se hone ja rahi hai main phir mar gayi huN ,…. main phir se us rah pe nahi jana chahti.. plz mujhe bacha lo arjun … aur main kuch nahi kehna chahti .. aur meghna jor jor se rone lagi … arjun .. ki bhi aankh se aaNsu beh nikle the … par wo meghna ki bat se hairaan tha .. aur phir rote rote khada reh gaya apni jagah pe …


isi ke sath ye part phir yahiN khatam karta huN ... umeed hai aapke views milte raheNge ... jinka intjaar rehta hai... jaroor dijiyega apne comments... aur kuch galtiyan rahi ho kisi bhi roop maiN to muaf kijiyega .. chahe spelling mistake hi kyuN na ho ....

(end of part - 7)

kunal