Shabd Be-Zubaan ho jaayen -
10th November 2005, 02:53 PM
Itna dard mujhe dedo tum
aankhen bhi darpan ban jayen
Itney taaney maaro mujhko
ki shabd be-zubaan ho jayen
Poora nirdhan kardo mujhko
ki dekh bhikari sharmaye
Itney sikkon ka udhaar dedo
ki jaali note bhi aaj ittraaye
Jinki raah dag-mag karti hai
unke rastey bhi banwaye
Main tow tthera nirdhan pagal
bhaley meri duniya chup jaye
Desh utthaalo kanddhon per
iss-se pehle koi ghabraye
Mere gaon ko jala dow chahe
yadi kisi ka ghar banjaaye
Uss mein wahi rang karwana
jis ghar ki Mitti mekaahey
Itna khayaal bas rakh lena
wahan jaat-paat na bas jaaye
Jo shilaayein itihaas bangayi
unko na koi haath lagaaye
Desh ka koi Dharm churakar
Mandir-Maszid na banwaaye
Dua meri har insaa Dil ki
ummeedon ka pull ban jaye
Chahe asamay Mrityu mujhko
yatha-katha ka geet sunaaye
Itna dard mujhe tum dedo
...ki mere shabd be-zubaan ho jayen
------------
विपिन
|