[masti]

Originally Posted by ISHK EK IBADAT

Sarika jee aapki mere vichaaron se sahmati hai yeh mere liye bahut sukun ki baat hai.
Aapka prashn bada hi dilchasp hai jigaaysa poorn hai har jeev sochta hai ki agar kabhi aisa mauka mile to ham apne isht se kya maange bahut si dhaarnaayen ho sakti hai is vishay me sabki alag alag. Lekin ek baat mai kahunga jab aisa mauka aayega to man vikaaron se rahit hoga kaamna hogi hi nahi to maangenge kya. Jab prabhu saamne aa hi jaayenge to maya ka parda to hat chuka hoga kyonki jab suraj nikal aata hai to andhera kahan rah pata hai. Iske udhaarahn bhi hai Ramayan me vibhishan jee ka jab Raaj Tilak karne lage to Vibhishan jee ne kaha ki pahle prabhu jab aapke paas aa raha tha tab tak yeh vaasna thi par ab to aapke sanmukh aa kar yeh kahan lupt ho gayee pata hi nahi. Aise hi Dhruv ko jab prabhu darshan hue to unka bhi yahi uttar tha.
Fir bhi tumhaare prashn ke uttar me itna kahunga ki agar aisa mauka aaya to mai Arjun ki tarah sirf Krishn ko hi Maangunga kyonki jab vo mere saath honge to sara brahmaand hi mera hoga fir aur kya chahiye.

Radhe Radhe

Bohut khoob !!

aapse aise hi uttar ki apeksha thi mujhe ye batata hai apki shudh aatma ke baare mein, apki uttam adhyaatmik soch ke baare mein.

ek aur prashn.....

ye prashn aapse iss liye kyunki aapki shaadi ko jitne varsh hue utni to yahan 60-70% logo ki umr bhi nahi hai. to aap ke tajurbe se hum sab kuch seekh sakein.

Safal Dampatya jeewan ki neev kya hai. aapke anusaar kya kuch aisi baatein hain jinko dhyaan mein rakh kar pati patni apne rishte ko aur sudradh kar sakte hain?