12th November 2014, 09:16 PM
B.G.M saaheb, aadaab
maiN aapka "iNtehaayi" mashkoor wa mamnoon hooN jo aapne is Ghazal ko yahaaN chaspaaN kyaa.
muhtarim Raj Kumar Qais saaheb se mukhaatib hue ek arsaa beet gaya hai, kabhi "bazm-e-sukhan" naam ki mehfil jo bohat saal pehle baNd ho chuki hai, wahaaN roz ka qalaam tha unse, meri bohat rehmunaayi bhi ki hai unhoNe un dinoN, phir Shoaib Tanvir saaheb ki mehfil meiN do ek baar baat hui phir raabta TooT gaya
Ghazl par Qais saaheb ki chhaap saaf nazar aati hai, vohi aNdaaz-o-lehja hai jis ke liye Qais saaheb mash'hoor haiN
mujh na ehl ki daad o mubarakbaad ek salaam ke saath baaNdh kar unko zaroor bhej dijiyega
ek bar phir se aapka bohat shukriya
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai
maikash
...............................
|