Quote:
Originally Posted by abdulqadeert
ye kaisa zabt hai kaisi ana hai
koi sahil pe tashna mar gaya hai
alag manzil alag hi raasta hai
ye duniya se hame kab waasta hai
hukumat sub ki hai bus chand roza
jahan me kaun hai jo derpa hai
ibadat habshe dam ki kar jaanu
fana kahte hain kisko kya baqa hai
bhatak umr saari dar ba dar ab
hamara dil bhi banjara hua hai
labo'n per muskurahat hai hamare
agarche ru ba ru apne qaza hai
hai tera aasra tu hi bacha le
hawa ki zad me nanha se diya hai
musalsal hijr me chahera tumhara
wazu ashqo'n se karke khil gaya hai
lo ghoome shahr me majnu ki manind
qadeer ab ishq me pagla gaya hai
Qadeertoopchi
|
AsSalaamAlaykm AbdulQadeer Bhaee!!
Sub'hanAllah! Buhat aalatareeN ghazal se nawaza haye aapnay! Sabhee ashaar aalaatareen misaal hayn khoobsoorat takhayyul wa taghazzul kee!! Bayshumaar daad qabool farmaayayn!
Duago
Ahmad