Quote:
Originally Posted by aslam noor
Ehle bazm ki nazr ek adna si koshish is umeed ke sath ke aap log apni qeemti aara aur mohabbatoN se nawaazenge
DooriyaaN
Safar mai door talak mujhko
Koi dikhta nahi hai ab
Wahi jiske laboN par
ShokhiyaaN thiN muskuraane ki
Usi gul par
KhizaaN ka wehshiyaana
Waar thehra hai
Wo jiske waaste
Saare sitaare tod laaye they
Wahi ab chaand din ka
VusatoN se door baitha hai
Tapish phaili, darakht sookhey
To darya
Talaab ki maanind
MunderoN par samandar ki
QataaroN mai
Nazar ayye
Wo sab manzar
Jo khud par aafreeN
Kehlaaya karte they
Khule bazaar mai aaye
To khul kar saamne aaye
MeiN ab
SochoN se apni
Baat ye manwana chahta huN
BisaatoN par
Wo sab manzar
Jo dil ke pass hote haiN
Asal mai
Door hote haiN!!!!(aslam noor aslam)
|
.....................
Aur kabhi boht door ke manzar
Dil mn hi Raha Krte Hn
Ihsaas ki Dunia Mn
Hum Unko Paas hi Rakhte Hn
Jese Phool Ki Pati Pe
Shabnam Ke Qatre Larza Krte hn
( chand fil badeeh satren jo aapki nazm ko parh kr raqm ken)