 |
|
|
|
|
 |
 |
tujhe meN bhula nahiN sakta |
 |
|
 |
|
(#1)
|
|
Registered User
 Offline
Posts: 59
Join Date: May 2002
Location: saudi arabia / uk
Rep Power: 22
|
tujhe meN bhula nahiN sakta -
16th June 2002, 11:23 PM
DOST-O-AHBAB ,
ASSALAMU ALIKUM , AAPKI KHIDMAT MEn ( ISLAH KI NIYYAT SE ) AIK NAI GHAZAL LEKAR HAZIR HOn , MAIKASH JI Se OR BAQIYYA TAMAM DOSTOn Se DARKHAST He Ke IS GHAZAL Ke MANFI PEHLOOWOn Se AAGAH KAREn .. BEHAD MEHRABANI HOGEE , OR YAD RAHe BILA JHAJAK KISI BHI BAT PAR AAP TANQEED KARNe Ke HAQDAR HEn , GHAZAL He : to bhool ja-e tujhe meN ......... bhula nahiN sakta peyar ka dagh dil se. ................ mita nahiN sakta muddatoN tak tere dar pe ki .............. jabiN saee to chor de ..... . mujh pe ye zulm dha nahiN sakta suna tha daawa ke .......... misl-e falak he dil tera kia ye zarra bhi osmeN ........... sama nahiN sakta firaq ki zid tujhe ................ mujh ko wasl ki zid he jhuke na to .. meN bhi khud ko jhuka nahiN sakta ae ghamgusaar offf ! .. bahana to dekh SAGAR ka kahe meN tota howa huN .......... pila nahiN sakta faqat , wassalam SAGAR KASHMIRI  ============================================== |
 |
|
 |
 |
 |
|
waah... janab, wah |
|
|
|
|
|
(#2)
|
|
Registered User
Offline
Posts: 14
Join Date: May 2002
Location: Manchester, UK
Rep Power: 0
|
waah... janab, wah -
17th June 2002, 04:53 AM
salam sagar ji,
kya jaam chhalkaya hai aap ne apni is nayi ghazal mein... sard hote hue jazbon ko phir chingari de di hai... aur intihai pyare andaaz mein... ab main aur to kya kahun, itna kehne dijiye ke apne pur maghz kalam ke jawhar ko aap ne ab tak chhupaye rakha tha... aur shayad ab bhi poore taur par aashkara nahin kar rahe... rafta rafta bijli girayenge na... theek hai, shayad isi mein hamare liye khair ho... ham intezaar mein hain... aapne is andaz se alfaz ko dhala hai ki daad dene ko munasib alfaz nahin mil rahe... masalan, kamal kiya hai is sher mein... suna tha daawa ke .......... misl-e falak he dil tera kia ye zarra bhi osmeN ........... sama nahiN sakta kya is aah-o-fughan se ek aalam ko jalaoge? is nala-e-gham-o-hasrat se kon murda dil na tadpega... bas, kehne dijiye... yeh aapki takhayyul ki me'raj hai... aur maqta aapka... kya kehne... ae ghamgusaar offf ! .. bahana to dekh SAGAR ka kahe meN tota howa huN .......... pila nahiN sakta kis khubsoorti se takhallus ko bhi ma'ana-e-sher mein dhala hai... ajeeb... ae ghamgusaar offf ! .. bahana to dekh SAGAR ka kahe meN tota howa huN .......... pila nahiN sakta haan... pilaoge nahin to ham muztarron mein izterar kahan se aayega? yeh sab kuchh saagar-o-meena ki hi to dain hai... meri har daastaan-e-dil teri marhun-e-mannat hai, mein "muztar" hoon, bina "saghar" ke kuchh bhi paa nahin sakta theek hai, fir mulaqat hogi... duaon mein khaksar ko na bhuliyega... amin muztar (mere is tabsare mein aapke kahne ke mutabiq manfi pehluon par koi tanqeed nahin... musbat pehlu hi itne hain ki manfi ki taraf tawajjuh hi na ho saki... ummeed hai ki yunhi qabool farmayenge... aur haan, is tabsare ko yahin tak mahdood rakhiyega... college mein charcha nahin karna... just joking...) na jaane kis gali mein zindagi ki shaam ho jaaye |
|
|
|
|
|
|
|
Wah Sagar!!! |
|
|
|
|
|
(#3)
|
|
Registered User
Offline
Posts: 432
Join Date: Aug 2001
Location: NRI
Rep Power: 24
|
Wah Sagar!!! -
17th June 2002, 06:50 PM
Wah bhai..kya likhte ho..maan gaye tumko!!
to bhool ja-e tujhe meN ......... bhula nahiN sakta peyar ka dagh dil se. ................ mita nahiN sakta ---Wah Wah WAh..kya bata kahi hai!!!! muddatoN tak tere dar pe ki .............. jabiN saee to chor de ..... . mujh pe ye zulm dha nahiN sakta --Sorry iska doosra misra nahi samajh aaya  suna tha daawa ke .......... misl-e falak he dil tera kia ye zarra bhi osmeN ........... sama nahiN sakta --wowwwwwwww...too good!! firaq ki zid tujhe ................ mujh ko wasl ki zid he jhuke na to .. meN bhi khud ko jhuka nahiN sakta --What a confidence..  ae ghamgusaar offf ! .. bahana to dekh SAGAR ka kahe meN tota howa huN .......... pila nahiN sakta --Baapre kya gazab ka maqat hai!!Apne takhallus ka kya khoob istimaal kiya hai!! to sagar....poori ghazal pasand aayi..bahut accha likhte ho tum...KEEP IT UP!! Regards, Shumaila kahiiN zameeN to kahiiN aasmaN nahi milta!! |
|
|
|
|
|
|
|
Bhai waah sagar sahab |
|
|
|
|
|
(#4)
|
|
Shayar
 
Offline
Posts: 569
Join Date: Apr 2002
Location: New Delhi, India
Rep Power: 29
|
Bhai waah sagar sahab -
17th June 2002, 07:33 PM
Janab Sagar sahab
bhai waah! kyaa kamal ka fiqr-o-sukhan hai aapka. bahut hi khoob andaaz meiN sher kahe hain aapne. Har sher apne aapmeiN khoob hai. to bhool ja-e tujhe meN ......... bhula nahiN sakta peyar ka dagh dil se. ................ mita nahiN sakta BHAI WAH KYA MTLAA HAI YANE KE JADOO TO SHURUAAT SE HI SHURU HO GAYA HAI muddatoN tak tere dar pe ki .............. jabiN saee to chor de ..... . mujh pe ye zulm dha nahiN sakta AFREEN SGAR SAHAB. KAMAL KA LIKHTE HAIN AAP suna tha daawa ke .......... misl-e falak he dil tera kia ye zarra bhi osmeN ........... sama nahiN sakta LAJAWAAB KAR DIYA YAHAN TO AAPNE JANAB! firaq ki zid tujhe ................ mujh ko wasl ki zid he jhuke na to .. meN bhi khud ko jhuka nahiN sakta WAAH KYA ZID HAI! KHOOB!! ae ghamgusaar offf ! .. bahana to dekh SAGAR ka kahe meN tota howa huN .......... pila nahiN sakta BAHANA BHI BANAYA TO KAYA KHOOB BANAYA. bAHIT ACHCHE BHAI. KHUDA KARE AAPKA ZOR-QALAM BUS BADHTA HI RAHE. Duaon ke saath Praveen manziloN ne sun liya toh aur woh badh jaayeNgi |
|
|
|
|
|
|
|
muztar ke leye ma-e ka aik sagar .. |
|
|
|
|
|
(#5)
|
|
Registered User
Offline
Posts: 59
Join Date: May 2002
Location: saudi arabia / uk
Rep Power: 22
|
muztar ke leye ma-e ka aik sagar .. -
17th June 2002, 11:42 PM
assalamu alikum muztar ji ..
aapne musbat pehlowoN ke dhama dam sagar bhar deye .. mera aik sagar itne tofanoN ka kese mutahammil ho sakta he ....or wo bhi tota howa sagar acha bhai aapko ghazal pasand I he .. kia kahoN aapko ab ? .. shukriya to ada karoNga ...lekin sath sath apne dant bhi aapko dikhata huN  ........ lolbhai mera bijli gerane ka koi irada nahiN ... ( MEn IS HASEEn AASHYAn KO KHIZAn Q DIKHAOOn .... OR NA HI MERE MEn BIJLI GERANE KI QOWWAT HE ... MEn TO .....SAGAR HUn OR WO BHI TOT HOWA ..... bijleyaN to aap girate heN apne andaz-e sukhan se .. pata he jab bhi meN koi acha kalam parhuN ... apne andar sard hawaeN chaltiN hoi mahsoos karta huN .... aapka kalam par kar bhi ye hi mahsoos hota he ...... ( masha allah ) . acha ab ijazat chahta huN .. allah hafiz duaaoN ki darkhast he aap se SaGaR KaShMiRi hamiN khum heN hamiN saghar hamiN maikash hamiN saqi ( majzoob ) |
|
|
|
|
|
|
|
salam ... |
|
|
|
|
|
(#6)
|
|
Registered User
Offline
Posts: 59
Join Date: May 2002
Location: saudi arabia / uk
Rep Power: 22
|
salam ... -
17th June 2002, 11:50 PM
salam baji ..
aapko meri tuk bandi pasan I ..... shukriya aapka .. koshish hogee k aainda bhi aap dostoN ke husn-e zan par pora utroN .... OK ALLAH HAFIZ SAGAR KASHMIRI hamiN khum heN hamiN saghar hamiN maikash hamiN saqi ( majzoob ) |
|
|
|
|
|
|
|
aadab parveen ji ... |
|
|
|
|
|
(#7)
|
|
Registered User
Offline
Posts: 59
Join Date: May 2002
Location: saudi arabia / uk
Rep Power: 22
|
aadab parveen ji ... -
17th June 2002, 11:57 PM
tasleemat ,
ummid he aap kheriyyat se hoNge .. aapko meri tuk bandi pasan I iske leye meN aapka tah-e dil se mashkoor hun , or haN aapke nay kalam ka intizar he , ok allah hafiz sagar kashmiri hamiN khum heN hamiN saghar hamiN maikash hamiN saqi ( majzoob ) |
|
|
|
|
|
|
|
|
|
|
|
|
(#8)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
22nd June 2002, 01:25 AM
sagar sahab
aadaab ghazal paDhii......aur sabse pehle aapko ek iNtehaayi zabrdast "maqta" kehne pe mubarakbaad deta huuN....aapne apna taKhallus jis khoobsoorti ke saath do-maani kiya hai woh har lihaaz se daad ke qaabil hai....mubarak....!! lekin....bah'r meiN kahiiN-kahiiN aur kahiiN-kahiiN khayalaat meiN chaNd khaamiiyaaN nazar aayiN...jinke mutalliq maiN apne haqeer ta'suraat pesh karne ki gustaaKhii kar raha huuN to bhool ja-e tujhe meN ......... bhula nahiN sakta peyar ka dagh dil se. ................ mita nahiN sakta matla achcha kaha hai....doosre misre meiN kuch ghair-haazir maloom hota hai.....yaani tu bhool jaaye, tujhe maiN bhulaa nahiiN sakta pyaar ka daaGh "yuuN" dil se mitaa nahiiN sakta ....................... muddatoN tak tere dar pe ki .............. jabiN saee to chor de ..... . mujh pe ye zulm dha nahiN sakta pehla misra phir se dekheN ....sagar sahab....meri aapse tah-e-dil se darkhuvaast hai ke aap apne azeez muztar sahab se urdu ko roman meiN likhnaa seekhiye...koi mushkil nahiiN....ek-do din mehnat kareNgey to inshah allah seekh jaayeNgey.....ye baat maiN maiN aapse isliye keh raha huuN keh mujhe is ghazal ki bah'r pakDne meiN baDii mushkil pesh aa rahi hai....ab is meN mas'alaa yeh hai ki aapki ghazal ko shayad nishaan-dehi ki zaroorat hi na ho lekin urdu lafzoN ko roman meiN sahi tarteeb se na likh paane ki wajah se mujhe ismeiN khaamiiyaaN nazar aa rahiiN ho......isliye behtar yahi hoga ki aap urdu ko roman meN likhne ki pabaaNdiyoN sedo-chaar hoN leN......ummiid hai ye mashviraa aapko nagawaar na guzraa hoga....... ba-har-haal ......aapki ghazal ka qafiya-o-radeef mere mehboob shayar janaab asrar ul haq "majaaz" ki ek pursoz aur yaad rakhne ke qaabil meri pasaNdeeda ghazal se milta hai...aapki ijaazat ke saath voh ghazal pesh kar raha huuN ,jo ke aur bhi kayi mehfiloN meN maiN paDh chukaa huuN....mulaizaa kijiye..... maiN aaheN bhar nahiiN sakta ke naGhmeN gaa nahiiN sakta sukuuN lekin mire dil ko muyasaar aa nahiiN sakta kabhi-kabhi to dil meiN aata hai ki keh hi daaluuN :- koii naGhmeN to kya ab mujhse meraa saaz bhi le lo jo gaana chaahta huuN.. AAH....voh maiN gaa nahiiN sakta ye baat sau -fee-sadii sach hai :- mataa-e-soz-o-saaz-e-ziNdagii , paimaanaa-o-barbat maiN khud ko in khilonoN se bhi ab behlaa nahiiN sakta vo baadal sar pe cHaayeN haiN ki sar se haT nahiiN sakte milaa hai dard vo dil ko ki dil se jaa nahiiN sakta hawas-kaari hai jurm-e-khudkushii merii sharii'at meiN ye hadd-e-aakhirii hai maiN yahaaN tak jaa nahiiN sakta na tuufaaN rok sakte haiN na aaNdhii rok sakti hai magar phir bhi maiN uss kasr-e-hasiiN tak jaa nahiiN sakta ye she'r mujhe be-hadd azeez hai....mulaizaa farmaayeN :- vo mujhko chaahtii hai aur mujh tak aa nahiiN sakti maiN usko poojtaa huuN aur usko paa nahiiN sakta aur duniyadaari ka zulm dekhiye :- ye majboori si majboori , ye laachaari si laachaari ke uske geet bhi jee khol kar maiN gaa nahiiN sakta vaaye ree majboori :- zabaaN par be'khudi meiN naam uskaa aa hi jaata hai agar puucHe koi, ye kaun hai...? ..batlaa nahiiN sakta iss se ziyada ab aur kuch naa hii puucHeN :- kahaaN tak qissa-e-aalaam-e-furqat....muKhtsar ye hai yahaaN vo aa nahiiN sakti ....vahaaN maiN jaa nahiiN sakta "voh" aayeN to kyoNkar aayeN ? ....aur hum....:- hadd'eN vo kheN'ch raKhii haiN haram ke paasbaanoN ne ke bin mujrim bane paiGhaam bhi pahuNchaa nahiiN sakta kahiye kaisi rahi..... maikasH is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
 |
|
|
|
|
|
shukriya maikash ... |
|
|
|
|
|
(#9)
|
|
Registered User
Offline
Posts: 59
Join Date: May 2002
Location: saudi arabia / uk
Rep Power: 22
|
shukriya maikash ... -
22nd June 2002, 09:55 PM
aadab maikash ji
kese ho ? aapke mulaiizat par tah-e dil se mashkoor huN , waqie mujhe sekhne ki zarorat he , insha allah koshish karonga aainda se , or haN aik bat mere samajh se bahir , wo ye ke kese aap urdu rasmul khat nahiN par sakte ?! sach tajjub ki bat he , isleye ke aapki urdu itni pukhta he ke kia kaheN , magar rasmul khat urdu aap nahiN par sakte ?!!!!!!!! to phir aap shuraa ke jo majmoe hote heN KESE PARTE HO ? ..  ..................apke jawab ka mintazir huN , WAQIE mere leye aik muamma he ye bat ..........! kher aik martaba phir aapki zarra nawazi ka shukriya ......... ijazat dejeye ..... allah hafiz sagar kashmiri hamiN khum heN hamiN saghar hamiN maikash hamiN saqi ( majzoob ) |
|
|
|
|
|
|
|
|
|
|
|
|
(#10)
|
|
Birha Tu Sultan
Offline
Posts: 1,810
Join Date: Aug 2001
Rep Power: 10
|
23rd June 2002, 06:11 PM
sagar sahab.....
aadaab aapke sawalaat ke jawabaat haazir haiN..... >>> or haN aik bat mere samajh se bahir , wo ye ke kese aap urdu rasmul khat nahiN par sakte ?! >>> shayad is raaz ka khulaasaa maiN pehle bhi kar chuka huuN...ba-har-haal.....phir se kiye deta huuN....baat ye hai ki jahaaN meri pai'daayish huii aur jahaaN maine taaleem haasil ki wahaaN school aur college meiN urdu ki taleem nahiiN di jaati thi.......so apni iss mehboob zabaan ko seekhne se maiN mehroom raha.....!! >>>> sach tajjub ki bat he , isleye ke aapki urdu itni pukhta he ke kia kaheN , magar rasmul khat urdu aap nahiN par sakte ?!!!!!!!! to phir aap shuraa ke jo majmoe hote heN KESE PARTE HO ? .. .................. apke jawab ka mintazir huN , WAQIE mere leye aik muamma he ye bat ..........! >>>> kya hai ki hamare buzurgvaar lahore se ta'lluq rakhte haiN to maine pehle bhi zikr kiya tha ki aaj tak bhi hamare ghar meiN urdu ka hi akhbaar aataa hai....aur ghar meiN urdu ke alfaaz aksar istemaal kiye jaate haiN......chyuNke maiN ziyadatar watan se duur hi raha huuN to isliye ye saugaat bhi mere kaam na aa saki.....ab raha sawaal mere urdu puKhta hone ka to... sahab..... ye to lagan ki baat hai.....kisi bhi sha'y se mohabbat honi chaiye......fasiley khud-ba-khud kam hone lagte haiN.....!! shor'aa ke kalaam maiN urdu meiN nahiiN paDhta huuN.......india meiN taqriiban har shayar ka deewan "hindi" meiN bhi publish ho chuka hai aur hota rehta hai......hindi ki taleem mujhe baqa'iida haasil huii hai isliye koi mushkil pesh nahiiN aati......ummiid hai ki aapka har shubah jaata raha hoga......!! ek aur baat......aapki jaankaari ke liye bataa duuN ke khaaksaar aaj-kal "urdu" paDhne aur likhne ke qaabil hone ki bhi koshish meiN hai....lekin dushwaari ka baa'is bhi hai....jaise ki "daaGh dehlvi" sahab ne kaha hai :- nahiiN khel ai daaGh yaaro se keh do ke aati hai urdu zabaaN aate-aate k'hafiz maikasH is tarhe teri yaad meiN har shaam dhaley hai goyaa koyi nagin si kalejey pe chaley hai maikash ............................... |
|
|
|
|
|
|
|
salam |
|
|
|
|
|
(#11)
|
|
Registered User
Offline
Posts: 59
Join Date: May 2002
Location: saudi arabia / uk
Rep Power: 22
|
salam -
24th June 2002, 01:38 AM
aadab , maikash ji
acha to bat ye he , chalo meri pareshani dor hoi , sach mujhe samajh meN nahiN aa rahi thee bat , kher . aapka shukriya bhai , ab aap urdu rasmul khat sihne meN koshaN heN , BUHUT KHOOB BHAI , allah kare ke aap jaldi seekh jaeN ACHA BHAI , IJAZAT , ALLAH AHFIZ SAGAR KASHMIRI hamiN khum heN hamiN saghar hamiN maikash hamiN saqi ( majzoob ) |
|
|
|
|
|
|
 |
«
Previous Thread
|
Next Thread
»
| Thread Tools | |
| Display Modes | Rate This Thread |
Linear Mode
|
|
|
Similar Threads
|
||||
| Thread | Thread Starter | Forum | Replies | Last Post |
| Tujhe Bhula Diya...! | Dhaval | Hindi/Urdu Lyrics | 0 | 23rd October 2010 11:50 PM |
| *Tujhe Chain Aa Nahee Sakta :)? | Shimul | Shayri-e-Mashahoor Shayar | 2 | 22nd May 2010 07:55 PM |
| baghair mere tujhe chain aa nahi Aa Sakta.. | anjelz_princess | Shayri-e-Dard | 0 | 8th February 2006 12:59 AM |
| tujhe maiN chaah to sakta huuN lekin paa nahiiN sakta | maikasH | Shayri-e-Dard | 9 | 29th July 2005 05:19 PM |
| tujhe maiN chaah to sakta huuN lekin paa nahiiN sakta | maikasH | Aapki Shayri | 1 | 27th July 2005 11:47 AM |
Powered by vBulletin® Version 3.8.5
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
Copyright ©2000 - 2024, Jelsoft Enterprises Ltd.
vBulletin Skin developed by: vBStyles.com
