Naa kaho, kuchh naa kaho, kuchh naa kaho naa ! -
20th September 2003, 02:13 PM
Aasmanon main kabhi dekhaa hai tumane?
Aah koi sard neeli si basi hai.
Sun ke dekho to kabhi saagar ki baatain,
Dard par jaise bichha rakhi hansi hai.
Jangalon main chal ke dekho tum kabhi to,
Pedon ke peeche kashmkash chhup rahi hai,
In pahaadon ka bhi dil hotaa hai dekho,
Ek tamannaa jis main barson chup rahi hai.
Ghaav hone lagate hain phir se hare se,
Bhul jaao yaad mujh ko yun karo naa,
Udane lagate hain yeh armaan baaware se,
Tum mere khwaabon main yun aayaa karo naa.
Naa kaho, kuchh naa kaho, kuchh naa kaho naa !
Kab sochaa thha milegaa humsafar "Shweta" jaisaa
Lagta hai is baar "Pulkit", kismat teri bhi rang laayii hai
|