YahaaN Koi Apna Nazar Aayega Kaise... ! -
14th August 2010, 12:09 AM
YahaaN Koi Apna Nazar Aayega Kaise
Haisiiyat Se Chhota Ho Jaayega Kaise...
Milaa Nahi MuddatoN Uss Shakhs Se
Gar MilooN Toh Haath Milaayega Kaise...
Andhera Bahut Hai Chiiragh Jalaa Toh Luu
Hawaa Ko Magar Koi Samjhaayega Kaise...
Gar Khuda Har Zarurat Purii Kar De Yahaan
Phir Aadmi MazbooriyaN Giinaayega Kaise...
"Naresh" Ki Qaifiiyat UdaasiyoN Bhari Hai
Puchhne Pe Apni Shahariyat Bataayega Kaise...
YuuN Besabab Aansoo Aate NahiN
Lag Zaroor Koii Baat Dil Ko Rahii Hai ...
Fareb Kaa ChaDhtaa Bazaar Dekh
Insaaf Se Bastii Khaalii Ho Rahii Hai ...
---Naresh Mehra----
|