Tere sadqe jana to qismat men tha

[mujib66]

Tere sadqe jana to qismat men tha
Fida tujh pe hona to qismat men tha

Bohut dhoonda tujhko tere shehr men
Eh dar dar bhatakna to qismat men tha

Ajeeran hai her cheez tere sewa
Tera hoke rehna to qismat men tha

Judai teri dard banti gayi
Eh bardasht karna to qismat men tha

Nahin keh saka tujh se karta hun pyar
Eh mouqa ganwana to qismat men tha

Teri raha dekhi bohut der tak
Nahin tujh se milna to qismat men tha

Main aawarah hi ho gaya uske baad
Tere dar se uthna to qismat men tha

Taghaful hamesha oh karta raha
jafa uski sehna to qismat men tha

Nahin hai kisi se bhi shikwa mujhe
Pareshaan hona to qismat men tha

Main bechara Parwaaz karta bhi kya
Gham-e-hijr dhona to qismat men tha



Some Meanings

Ajeeran- Unpleasant
Taghaful- Avoidance
Jafa- No loyalty/ No favour
Shikwa- Complain
Hijr- Separation
Gham-e-hijr- Melancholy due to separation
Parwaaz- Pen name of poet


Mujeeb Parwaaz