*Terii Talaash~Hafeez Hoshiarpuri Jee**

Shimul · *Terii Talaash~Hafeez Hoshiarpuri Jee** - 13th January 2006, 04:25 PM

Terii Talaash Mein Ham Jab Kabhii Nikalate Hain
Ik Ajanabii Kii Tarah Raaste Badalate Hain

*Daraaz Ho Gham-e-Hijraan Ki *Haasil-e-HijraaN*
Woh Hausalein Hain Jo *Aagosh-e-Gham Mein Palate Hain
*Long**
*Result of separation**
*Embrace**

*Ravaa Nahiin Hai Gham-e-Ishq Iss Qadar Bhii Gurour
Tere Bagair Bhii Duniyaa Ke Kaam Chalate Hain
*Proper**

Kabhii Jo Haad Se BaDhii Un Kii Yaad To samjhe
Ki Un Ke Dil Mein Bhii Kuchh Val-Vale Machalate Hain

*Shab-e-Firaaq* Kuchh Aisii Bhii *Tiiragii To Nahiin
Kabhii Kabhii *Sar-e-Mizgaan* Charaag Jalate Hain
*Night of separation**
*Darkness**
*On the eyelashes**

Ab Un Ke Gham Se Bhii *Mahroum Ho Na Jaaye Kabhii
Wo Jaante Hain Ki Iss Gham Se Dil Bahlate Hain...
*Deprived**

*Daanish-(Hyd)-Jee Ko Parha Aur Baas Younhi Yaad Aaya Isski...**
*Writer: Hafeez Hoshiarpuri Jee**

*Keep Smilling.......

**

meena chheda · 13th January 2006, 07:41 PM

shukria shimul is rachna se parichit karwane k liye.......

Daanish_ Hyd · **Wah Hafeez! -** 13th January 2006, 08:00 PM

Shimulji
Hafeez Hoshiarpuri, ravayati Urdu ghazal ke azeem shayar thhe, aur unki yeh khoobsurat ghazal is bazm meiN pesh karne ka kaam aap ne kiya...shukriya
maiN chaahta huN ke ehbaab-e-bazm yeh dekheN ke hamare asaatzaa ghazal ke technical pehluoN ka kitna khayal rakhte thhe...behar aur wazn ki baat chhodiye--they never go wrong...rabt jise kahte haiN dekhiye--how 2 lines of each shayr are perfectly connected through a continuity of thought--

Terii Talaash Mein Ham Jab Kabhii Nikalate Hain
Ik Ajanabii Kii Tarah Raaste Badalate Hain
dekhiye matla ke doosre misre (misra-e-saani) meiN vazahat, ya clarification pesh karte hain, pehle misre (misra-e-uula) ka
Daraaz Ho Gham-e-Hijraan, ke Haasil-e-HijraaN
Woh Hausalein Hain Jo Aagosh-e-Gham Mein Palate Hain
(yahaN bhi doosre misre meiN batate haiN ke haasil-e-hijraaN kya hai)

Ravaa Nahiin Hai Gham-e-Ishq Iss Qadar Bhii Gurour
Tere Bagair Bhii Duniyaa Ke Kaam Chalate Hain
(pehle misre meiN daava kiya hai, kahte haiN ke ghuroor theek nahiN, misra-e-saani meiN uski daleel dete haiN)

Kabhii Jo Had Se BaDhii Un Kii Yaad To samjhe
Ki Un Ke Dil Mein Bhii Kuchh Val-Vale Machalate Hain

(kya ravaaN shayr hai)

Shab-e-Firaaq Kuchh Aisii Bhii Tiiragii To Nahiin
Kabhii Kabhii Sar-e-Mizgaan Charaag Jalate Hain
(tarz-e-bayaaN, alfaaz ka intekhab (selection) aur khayal ki nazakat--andhere meiN sar-e-mizgaaN chiraagh jalna, kya kahne )

Ab Un Ke Gham Se Bhii Mahroum Ho Na Jaaye Kabhii
Wo Jaante Hain Ki Iss Gham Se Dil Bahlate Hain...

thanks for sharing this exquisite ghazal with us.......
khair andesh

faiq · **hello shimul -** 14th January 2006, 11:52 AM

ITS REALLY BEAUTIFUL GHAZAL THANKS FOR SHARING WITH US ....

DO POST MORE LOVE TOREAD UR COLLECTION......

FAIQ WALJEE