Shayri.com  

Go Back   Shayri.com > Shayri > Shayri-e-Dard

Reply
 
Thread Tools Rate Thread Display Modes
Shumaila bibi Khaas aap ke liye
Old
  (#1)
xoopsx
Registered User
xoopsx is on a distinguished road
 
Offline
Posts: 16
Join Date: Sep 2001
Location: Delhi - East
Rep Power: 0
Post Shumaila bibi Khaas aap ke liye - 11th October 2001, 10:16 PM

Aadaab


milatii hai Khuu-e-yaar se naar iltihaab me.n
kaafir huu.N gar na milatii ho raahat azaab me.n


[Khuu-e-yaar=lover's nature/behavior/habit, naar=fire, iltihaab=flame, azaab=sorrow]


kab se huu.N kyaa bataauu.N jahaa.N-e-Kharaab me.n
shab haaye hijr ko bhii rakhuu.N gar hisaab me.n


[jahaa.N-e-Kharaab=world of problems, shab=night, hijr=separation]


taa phir na intazaar me.n nii.nd aaye umr bhar
aane kaa ahad kar gaye aaye jo Khwaab me.n


[taa=so that, ahad=promise ]


qaasid ke aate aate Khat ik aur likh rakhuu.N
mai.n jaanataa huu.N jo vo likhe.nge jawaab me.n


[qaasid=messenger ]


mujh tak kab un kii bazm me.n aataa thaa daur-e-jaam
saaqii ne kuchh milaa na diyaa ho sharaab me.n


[bazm=meeting, saaqii=bar-tender ]


jo munkir-e-vafaa ho fareb us pe kyaa chale
kyuu.N badagumaa.N huu.N dost se dushman ke baab me.n


[munkir-e-vafaa=one vho denies loyalty, fareb=illusion/fraud]
[badagumaa.N=suspicious, baab=company]


mai.n muztarib huu.N vasl me.n Khauf-e-raqiib se
Daalaa hai tum ko vahm ne kis pech-o-taab me.n


[muztarib=anxious/disturbed, vasl=meeting vith the lover, Khauf=fear]
[raqiib=opponent, pech-o-taab=predicament ]


mai aur hizz-e-vasl, Khudaa_saaz baat hai
jaa.N nazr denii bhuul gayaa iztiraab me.n


[mai=bar, hizz-e-vasl=joy of meeting, Khudaa_saaz=god's gift, iztiraab=anxiety ]


hai tevarii cha.Dii huii a.ndar naqaab ke
hai ik shikan pa.Dii huii tarf-e-naqaab me.n


[shikan=wrinkle, tarf=eyelid ]


laakho.n lagaav, ik churaanaa nigaah kaa
laakho.n banaav, ik biga.Danaa itaab me.n


[itaab=anger]


vo naalaa dil me.n Khas ke baraabar jagah na paaye
jis naale se shigaaf pa.De aafataab me.n


[naalaa dil=crying heart, Khas=hay/grass, shiGaaf=crack, aafataab=sun]


vo sehr muddaa talbii me.n na kaam aaye
jis sehr se safinaa ravaa.N ho saraab me.n


[sehr=magic, muddaa talbii=fulfillme.nt of a desire;]
[safinaa=boat, ravaa.N=move, saraab=mirage]


'Ghalib' ****ii sharaab, par ab bhii kabhii kabhii
piitaa huu.N roz-e-abr-o-shab-e-maahataab me.n


[abr=clouds, roz-e-abr=cloudy day, maahataab=moon ]



(Jawaab ka muntazir)



Yoon to bahout bheed hai harsoo magar....
Ek shakhs saare shahar ko viraa^n kar gaya....
 Send a message via ICQ to xoopsx Send a message via Yahoo to xoopsx Send a message via AIM to xoopsx  
Reply With Quote
Old
  (#2)
shumaila
Registered User
shumaila will become famous soon enoughshumaila will become famous soon enough
 
Offline
Posts: 432
Join Date: Aug 2001
Location: NRI
Rep Power: 20
Thumbs up 12th October 2001, 02:32 AM

Bahut bahut shukriya kashif ji....har lafz ki aapne itni simple meaning di hai!!Waise maikashji ne bhi mujhe is Ghazal ki meaning likh di thi jawaab me..khair once again thanx to u and maikashji!!

Adaab,
shumaila


kabhi kisi ko muqammal jahan nahi milta
kahiiN zameeN to kahiiN aasmaN nahi milta!!
   
Reply With Quote
Reply

Thread Tools
Display Modes Rate This Thread
Rate This Thread:

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump

Similar Threads
Thread Thread Starter Forum Replies Last Post
kisi khaas ke liye shabbir_asas Shayri-e-Ishq 0 21st October 2009 03:52 PM
Dosto aap ke liye meri khaas nazam TariqAhmadAzmi Shayri-e-Dard 10 4th February 2007 01:18 PM
shatri khaas app sab ke liye plz read it chetan1nonly Shayri-e-Ishq 0 7th May 2006 11:52 PM
Naamurad Ashiqon ke liye Khaas Nazm xoopsx Shayri-e-Dard 5 12th December 2005 08:47 PM
Khaas Aap Ke Liye shayar_rahul Humourous Shayri 0 10th March 2004 06:29 PM



Powered by vBulletin® Version 3.8.5
Copyright ©2000 - 2020, Jelsoft Enterprises Ltd.
vBulletin Skin developed by: vBStyles.com