jeevan beet chala -
31st August 2005, 10:22 PM
hello doston...
atal-ji ki likhi hui ek kavita aapko sunana chahti hoon jo mujhe bahut achha laga.
jeevan beet chala !!!
kal kal karte aaj
haath se nikle saare
bhoot, bhavishya ki chinta mein
vartmaan ki baazi haare
pahra koi kaam na aaya
rasghat reet chala
jeevan beet chala.
haani-laabh ke paldon mein
tulta jeevan vyapar ho gaya
mol laga biknewale ka
bina bikaa bekar ho gaya
mujhe haat mein chhod akela
ek ek kar meet chala
jeevan beet chala.
SOURCE : ATAL BIHARI VAJPAYEE ji ki "MERI IKYAAVAN KAVITAYEN"
kitne muflis ho gaye, kitne tavangar ho gaye
khaak mein jab mil gaye, dono barabar ho gaye !!!
|