Ahmad faraaz

[zainy]

One of my favourite shayers:

Agarche zor hawaaoN ne Daal rakha hai
magar charagh ne lau ko sanbhaal rakha hai

bhalay dinoN ka bharosa hi kya raheiN na raheiN
so maiN ne rishta-e-gham ko bahaal rakha hai

mohabbatoN meiN to milna hi ya ujaR jaana
mizaaj-e-ishq meiN kab e`tadaal rakha hai

hawaa meiN nasha hi nasha fazaa meiN rang hi rang
yeh kis ne pairahan apna uchhaal rakha hai

bhari bahaar meiN ik shaakh par khila hai gulaab
keh jaise tu ne hatheli pe gaal rakha hai

hum aise saada diloN ko woh dost ho ke khuda
sabhi ne waada-e-fardaa pe Taal rakha hai

"faraaz" ishq ki duniya to khoobsurat thi
yeh kis ne fitna-e-hijr-o-wisaal rakha hai


Wahshaten badhti gayi hijr ke azar ke sath
Ab to hum baat bhi karte nahi ghamkhwar ke sath


ab to ham ghar se nikalte hain to rakh dete hain
taaq par izzat e saadaat bhi dastaar ke saath

Ek to khwab liye phirte ho galiyon galiyon
Us pe takraar bhi karte ho kharidaar ke saath


is qadar khauf hai is sheher ki galiyon mein ke log
chaap sunte hain to lag jaate hain deewar ke saath!

ham ko us ahd mein taameer ka sauda hai jahan
log memaar ko chun dete hain deewar ke saath



ye tou uska apna hi karishma hai fusoon hai, yun hai
Yun to kehne ko sabhi kehte hain yun hai yun hai

Tum muhabbat mein kahan sood O zyaan le aaye
Ishq ka naam khirad hai na junoon hai, yun hai

Jaise koi ho dar E dil pe sitaadaa kab se
Aik saayaa na daroon hai na baroon hai, yun hai

Ab tum aaye ho meri jaan! tamasha karne
Ab to darya mein talatum na sukun hai, yun hai

Tu ne dekhi hi nahi dasht E wafaa ki tasveer
Nok E har khaar pe ek qatra E khoon hai, yun hai

Naaseha! tujh ko khabar kya ke muhabbat kya hai
Roz aa jaata hai samjhaata hai, yun hai, yun hai

Shaairi taza zamaanon ki hai me’maar Faraz
Yeh bhi ik silisila E “Kun Fa YakuN” hai, yun hai



http://www.youtube.com/watch?v=nOuWsg6pUI0

[sameer'shaad']

Masha Allaah........... bakamaal ghazloN ko shaad ka salaam.......... bahot ummdah sharing zainy saahiba... Shukriyaa tahe dil se...

Shaad...

[sunita thakur]

Dear zainy...........thanx for nyc sharing

[zainy]

Originally Posted by sameer'shaad'

Masha Allaah........... bakamaal ghazloN ko shaad ka salaam.......... bahot ummdah sharing zainy saahiba... Shukriyaa tahe dil se...

Shaad...

Originally Posted by sunita virender

Dear zainy...........thanx for nyc sharing

Shukriyah shaad sahab, sunita di.......

[maikasH]

us ko judaa hue bhi zamaana bahut hua
ab kya kaheN ye qissa puraana bahut hua

lo phir tere laboN pe usi bewafaa ka zikr
ahmad "faraz" tujh se kahaa na bahut hua