kuChh raaz ki baateN haiN, unheN raaz hi rakhiye -
25th November 2015, 09:36 AM
aaj miri ik puraani "diary" se yeh Ghazal nazar se guzrii, baRii dilchasp si lagii, to sochaa kyuuN nah aap sab se "share" karuuN.
(Shaa'ir ke naam kaa to mujhe pataa nahiiN, agar aap meN se kisii ko m'aaluum ho to zaruur mujhe bhi battaa'iegaa)
Ghazal
kuChh raaz ki baateN haiN, unheN raaz hi rakhiye
laazim nahiiN har baat ki dunya ko Khabar ho
har mo’R pe pehra hai raqeeboN ka to aaKhir
ay jaan-e-jahaaN, tujh se mulaaqaat kidhar ho?
kyaa lutf rahe Hashr meN ay jaan-e-tamannaa
tuu saamne ho, aur mira deedah-e-tar ho!
Ik w’adah-e-farda ka mazaa Khuub hai lekin
paabandi-e-ulfat ka taqaazah bhi agar ho
LuuTaa hai muHabbat meN tiri fitnah-gari ne
Phir kyuuN nah tire ishq meN dil zer-o-zabar ho?
dunya ne to mash,huur kiyaa mere junooN ko
ay kash! tujhe bhi miri weHshat ki Khabar ho!
========================================
(shaa'ir naa-ma'aluum)
|