bhuule haiN raftaa raftaa unheN mudattoN meN ham
qistoN meN Khud-kushii kaa mazaa ham se puuchhiye
Excellent...!!!!!!!!
Kaun Kambakhat Kehta hai, Ke Sirf Ghaalib ko hai pata, Radeef, Kafiya, Matla, Maktaa....!! Yeh Teer-E-Ishq kyaa 'Zindagi' se Ziyada, Kya Ghaalib ko hai Chubhata....!!!!!
Naresh ji badi umda gazal share ki hai aapne....Thanx for sharing.....
"Do Pal Ruka Khushio.n ka Karwan"
Dunia ke sitam ki koi perwah nahi mujhko, wo kyoun mujhpe ungliya uthaye ja rahe hain. Jis shaks ko janta tha ek chehre se ''kashif'' Uske kitne chehre samne laye ja rahe hain.
ek pal meN ek sadii kaa mazaa ham se puuchhiye
do din kii zindagii kaa mazaa ham se puuchhiye
bhuule haiN raftaa raftaa unheN mudattoN meN ham
qistoN meN Khud-kushii kaa mazaa ham se puuchhiye
aaGhaaz-e-aashiqii kaa mazaa aap jaaniye
anjaam-e-aashiqii kaa mazaa ham se puuchhiye
jalte diyoN meN jalte gharoN jaise zau kahaaN
sarkaar raushnii kaa mazaa ham se puuchhiye
vo jaan hii gaye ke hameN un se pyaar hai
aaNkhoN kii muKhbarii kaa mazaa ham se puuchhiye
haNsne kaa shauq ham ko bhii thaa aap kii tarah
haNsiye magar haNsii kaa mazaa ham se puuchhiye
ham taubaa kar ke mar gaye qabl-e-azal “Khumar”
tauhiin-e-maikashii kaa mazaa ham se puuchhiye
Khumar Barabankvi
Adaab Mehra Saahab, buhat buhat shukriyaa is lajawaab ghazal say ru ba ru karwaanay ka! Zabarddast intekhaab bayhad lutf aaya parhker! Many many thanks for sharing such a beauty!
aapka bohat hi shukriya jo aapne is Ghazal ki yaad dilaayi,
Khumar saahab ko Ghazal ka sardaar kaha jaata hai aur is Ghazal ko maine unheiN ek mushaairey meiN tarrannum meiN padhta hue dekha tha (video tha), voh yaad taaza ho gayi
rab raakha
maikash
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai