ek angulee aurat par utahayo tum zara

[masoomshayer]

ye nazm hai hamre hee beech sangharash kartee ek shakhsiyat kee. jis ke aage barhne se bahut se log takleef main rahe. kabhee darwaza band karte rahe us ke liye kabhee ghar bulate rahe. jo shanakar thee use keechar se nahalate rahe kabhee dar gaye to sar ko jhukate rahe. us auarat ne larayee nahee chhoree keechar se shiv kab maila hota hai. shiv to kamal hai khila hee rahega. shiv kee tarah vish peene ka hosla rakhne wala hee sab ke liye kcuh kar sakega... par ek dukh mere sath hai aaj ek angulee kisee aurat par utha do hazar angulian sath uth jatee hain. log bhol jate hai us ne kabhee bhayee kaha tha hamne kabhee deedee kaha tha . par jo un ungliyon ko bhee raste ka ishara samjhe wahee meree rooh-e-nazm hai yahan .
Anil

ek angulee aurat par utahayo tum zara
haar anguliyan sath dene chalee ayengee
likhte huye hathon kee kalam chhor kar
adab kee saree rasmen chor kar
apne apne kisee banayengee
apne apne kisse sunayengee
ishara kar ke bhoole ko rasta nahee dikhayengee
hazar anguliyan sath dene chalee ayengee

itana badal gayee hai
shahar main zarooraton kee ab-o-hawa
dost kah ke bhee kuch log
belibas banate hain
aap kee tasveeren bazar main le ate hain

tum ne angulee utha ke yahee to kiya hai
tumhre shahar main dostee nibhane ka yahee saleeka hai
sach to ye hai
tum ne har kadam apnee dukan ka fayada seekha hai

aap jaise log jab dukan ka nuksan dekhte hain
hazar hazar saste lafz fenkte hain
sastee cheez par pahale nazar jatee hai
saste ke peeche duniya chalee atee hai

doston main charcha karte hain
bas us kee burayee ka
peecha karte hain us ke sath
nazar atee har parchhayee ka
parchayee ka apane hisab se nam banate hain
us nam se us ke rishton ke kisse sunate hain
aur woh kisse apnee dukan main le ate hain
sastee cheej asanee se bik jate hai
aur sastee baat har kisee ko likhnee atee hai

ek khwahsih rahtee hai woh sharmsar ho ke
jan de de apnee
aap kee dukan ko pahchan de de apnee

kuch bhee kar lo
woh aurat tumahre ishare par jan nahee degee
usne jo bana lee hai apnee woh pahchan nahee degee
tum laut jayo khud ko us ka dost kahane walo
ghar kee baat hai tum nahee samjhoge
der raat tak dukan main rahane walo

us ka rasta kya hai ab use maloom hai
dost bhee us ne sare dobara chhune hain
is baar us ke doston main
tumhre nam nahee sune hain

uska rasta hai har agala kadam uska
us ka dost koyee hai to us ka hosla
tum khud ko pareshan mat karo
tay ho hee jayega har fasala us ka

aur tab jo anguliayn tumhre ishare par uthee hain
hathelee ban jayegee
sar jhuka hoga talee bajayegee
ab ye tumhe tay karana hai
us pal tumahree angulee kahan jayegee
ab ye tumhe tay karana hai

[pallavi_here]

Rooh tak ko hila dene ke liye kaafi hai ye... aaj main khud ki shukrguzaar hu... ya apni ignorance ki.. ki kisi ki uthi hui ungli pe dhyaan nahi deti... kisi ki suni hui baat pe jaldi se yakeen nahi karti... aur aapko ye nirmal, swachhh kalaam likhte dekh mann ko tasalli hui hai ki chaahe laakh bure log ho duniyaan me ek achha insaan buraayi ke andhero me ujaala karne ke liye kaafi hai
apna khayal rakhiye

[masoomshayer]

jab likhee kavita ankh nam thee kuch bahut samjhdar log hawa ke rukh ke sath bah jate hain. aise main ye bhee dhayan hee nahe rahata ise bhayee kaha tha ise deedee kaha tha. kabhee kisee kee sune ebaat pe bharosa na karo. har kisee to character certificate dene kee koshish na karo.

kisee ko deedi kahane se pahale us ke charitra ko jano to jano kisee ko deedee bana lene ke baad us ke charitra par angulee mat utaho paap hai ye aaj agar tumra rplya anhee ata meree akhree kavita hotee kyon ke aise insan ne dil tora jo chhota hoen ke bawazood mujhe baron kee tarah pyara hai. par nahee yahan sach jhooth ka sath nahee deta koyee yahan ye sochte hain kis kee baat sunoo mere zyada kareeb kaun hai. agar mera dost ye kah raha hais ach kah raha hoga agars ach bhee kah raha hai aap use zaleel kar ke kaun see ganga main naha lenge? kabhee lagata hai pallavi ye sab maile shabd meree shayri mujh se cheen lenge mera ghar hai shayri.com ye ghar mujh se cheen lenge

Anil

[ranju bhatia]

Anil ji aapki yeh rachana sach much hi hila gayi, naman hai mera
aapki is rachana ko aur ismein likhe sach ko itnane sundar tarah se bayan karne ke liye.................parh ke ek dam se kai vichar dil mein uthe ......unka jawab har koi apne mein hi talash kare toh
behatar hoga............aage bhi aapke itne sundar vichaar humko
padne ke liye milte rahnge ..........

with best wishes

ranju

[masoomshayer]

shukriya ranajana tum auarat ho tum is kavita ke dard ko samjhogee aur ab zarooree bhee hai kam se kam aurat aurat kee peera mushkil ko jane.

tum ne kaha main hil gayee ise parh ke main bhee likhte huye aur us se pahale jo halat mile mujhe un se hil gaya. kabhee badala lene ke liye kabhee us se aage barhne ke liye kabhee bas dost se doetee nibhane ke liye aurat ko itna kcuh kah diya jata hai ki sar jhuk jata hai. aurat se badala lene kee bat ate hee admee ek hee baat kahata hai us to aisa sabak sikhayoonga/sikhayongee badnam kar ke rakh doongee. ye lafz admee ke liye istemal nahee hote badnam karana aur badnam karane kee dhamkiyan bas auarat kee ksimat main hain. ise parh ke hilna hee chahiye insan ko hee nahee har parvat ko agar kabhee us main koyee dil dharaka ho to. shukriya is nazm ka sath dene ke asan nahee hai is nazm ko parh ke is par kcuh kah dena
Anil

[acharya_mj]

Originally posted by masoomshayer
ye nazm hai hamre hee beech sangharash kartee ek shakhsiyat kee. jis ke aage barhne se bahut se log takleef main rahe. kabhee darwaza band karte rahe us ke liye kabhee ghar bulate rahe. jo shanakar thee use keechar se nahalate rahe kabhee dar gaye to sar ko jhukate rahe. us auarat ne larayee nahee chhoree keechar se shiv kab maila hota hai. shiv to kamal hai khila hee rahega. shiv kee tarah vish peene ka hosla rakhne wala hee sab ke liye kcuh kar sakega... par ek dukh mere sath hai aaj ek angulee kisee aurat par utha do hazar angulian sath uth jatee hain. log bhol jate hai us ne kabhee bhayee kaha tha hamne kabhee deedee kaha tha . par jo un ungliyon ko bhee raste ka ishara samjhe wahee meree rooh-e-nazm hai yahan .
Anil

ek angulee aurat par utahayo tum zara
haar anguliyan sath dene chalee ayengee
likhte huye hathon kee kalam chhor kar
adab kee saree rasmen chor kar
apne apne kisee banayengee
apne apne kisse sunayengee
ishara kar ke bhoole ko rasta nahee dikhayengee
hazar anguliyan sath dene chalee ayengee

itana badal gayee hai
shahar main zarooraton kee ab-o-hawa
dost kah ke bhee kuch log
belibas banate hain
aap kee tasveeren bazar main le ate hain

tum ne angulee utha ke yahee to kiya hai
tumhre shahar main dostee nibhane ka yahee saleeka hai
sach to ye hai
tum ne har kadam apnee dukan ka fayada seekha hai

aap jaise log jab dukan ka nuksan dekhte hain
hazar hazar saste lafz fenkte hain
sastee cheez par pahale nazar jatee hai
saste ke peeche duniya chalee atee hai

doston main charcha karte hain
bas us kee burayee ka
peecha karte hain us ke sath
nazar atee har parchhayee ka
parchayee ka apane hisab se nam banate hain
us nam se us ke rishton ke kisse sunate hain
aur woh kisse apnee dukan main le ate hain
sastee cheej asanee se bik jate hai
aur sastee baat har kisee ko likhnee atee hai

ek khwahsih rahtee hai woh sharmsar ho ke
jan de de apnee
aap kee dukan ko pahchan de de apnee

kuch bhee kar lo
woh aurat tumahre ishare par jan nahee degee
usne jo bana lee hai apnee woh pahchan nahee degee
tum laut jayo khud ko us ka dost kahane walo
ghar kee baat hai tum nahee samjhoge
der raat tak dukan main rahane walo

us ka rasta kya hai ab use maloom hai
dost bhee us ne sare dobara chhune hain
is baar us ke doston main
tumhre nam nahee sune hain

uska rasta hai har agala kadam uska
us ka dost koyee hai to us ka hosla
tum khud ko pareshan mat karo
tay ho hee jayega har fasala us ka

aur tab jo anguliayn tumhre ishare par uthee hain
hathelee ban jayegee
sar jhuka hoga talee bajayegee
ab ye tumhe tay karana hai
us pal tumahree angulee kahan jayegee
ab ye tumhe tay karana hai

anilbhaiya fir ek baar aapne bahut hi khubsurat tareeke se ek aurat ke dard ko jubaan dee hai,mai is dard ko samaz shakta hu aur padh bhi shakta hu,bas is se jyaada aur kuchh mai kah nahi paaunga kyun ki pichhle kuchh dino se mai khud bahut hi disturb hu inhi maahol ko lekar,Na jaane kyun ab kisi par bharosa karne ka man nahi hota,aap samaz jaayenge sab kuchh.magar har gham mai ishwar aap ko hoslo ki shakti de yahi dua hai.

likhte rahiyega
regards
manu

[masoomshayer]

eeshwar hosla deta hai. eeshwar ne man diya jo na shohrat manta hai na paisa bas pyar manata hai. kitne rop hote hain pyar ke bas kabhee kabhee ham samjh nahee pate ulajh jate hain tum pareshan kyon ho. kcuh bura huya hee nahee duniya itnee achee banayee hai eeshwar ne ke anttah sab achha hota hai apna khayal rakhana aur aur parhayee par bhee dhyan dena
anil

[komal5]

Anil ji..

Apki kavita vastavik kisi kisse ko lekar hai, esa jaan padta hai.
Jo kaha appne sahi kaha hai...ungli uthani yun hi assan hoti hai...aur auratpe uthani ho to..kayi bahane dhunde ja skte haiN!.

Apki kavita is sachhai ko dikhlati hai!

Magar ye ek pahelu hai sikke ka!...Aaj jis hava mai saans rahe hain hum, adhikatar aurateN apne jiwan ka har faisla khud lene ko saksham hai!....Aise mahaul mai esi pareshaniOn se picha chudana asan banaya ja skta hai...shart hai sahi wqt pe sahi sujh buzj se kaam liya jaaye!

Han agar aurat ko izzat bakshna kisi ko nahi aata toh sahanubhuti k patra vo vyakti khud hai, aurat nahi!...Mai yahi chahungi k har aurat pane andar ki shakti ko pahechane aur kisi ki sahanubhuti k patra na bane!

[masoomshayer]

meree kavita bhee wahee kah rahe ehi jo tumahre remarks kah rahe hain aurat sakhsam hai. aur sabhee ko ye manana hee hoga. use sahanubhooti nahee respact chahiye. wph ye chahtee hai us se mukabala kare admee par usee tarah jaise ek admee se karata hai galat taree ke galat shbdon se nahee bas

Anil

[Pulkit_gupta]

Hmmmmmmm....

Mujhe pata hai yahaan kisi baat ho rahi hai... main kya kahoon? yeh sab to chalta rehta hai... important yeh hai ke jo ho gaya usse lesson lekar aage badho.... Jiske saath yeh hua... woh khud samajhdaar hai and I think she should be able to handle such things... isme zyada sochne jaisa kucch nahi hai....

Anil.. aapne acche lafzon me isko utara hai.... accha laga padhkar...

[masoomshayer]

kavita ek din ek ghatna nahee maine chaha tha ki kavita ko parho kis ke sath aur kyon ye to kal hee bhool jayenge log yadashat tez hotee to koyee neta dobara jeet ke na ata par sada ka sach hai ye aaj ka kal ka aur hamesha ka chalo tumhara reemark aya anhee to mujeh laga bas females parh raheen hain ye kavita achha lgata hai tumhara meree kavita par ana.

ghatnaye bhool jayo patr bhol jayo bas batayo kavita kaisee hai
Anil

[Sonali S.C]

Bahut khoob...a very well composed work..keep it up

Best wishes

Sonali

[sunita thakur]

Kaya khoob likha hai appne ek aurat ke barey mai. sach mai hamara samaj aisa hi hai, aur us par agar aurat akele ho ta aur bhi mushkil, appke kavita sachi mai kabiley tareef hai.

itana badal gayee hai
shahar main zarooraton kee ab-o-hawa
dost kah ke bhee kuch log
belibas banate hain
aap kee tasveeren bazar main le ate hain

tum ne angulee utha ke yahee to kiya hai
tumhre shahar main dostee nibhane ka yahee saleeka hai
sach to ye hai
tum ne har kadam apnee dukan ka fayada seekha hai

ek shayer sunati hu:

"Dost kuch bhi ho dost hi hota hai,
aur hum dost se kyu na khatey fareb,
dost par pura vishvaas jo hota hai"

[masoomshayer]

bahut bahut shukriya sonali is kavita par ane ek liye
aur ise pasand karane ke liye
Anil

[masoomshayer]

meree kavita par aap ka vichar to achha laga hee us par likhs sher bhee bahut achha laga aap ko remarks main aur shayara kee tarah pahalee baar parha achha laga mujhe shukriya kabhee kabhee mere kalam parhte rahana shukriya sunita jee

Anil

[tabassumshakeel]

anil ji ek baar phir se kahungi bahut khoob

arz kiya hai


aurat

machhali hone kaa sabab jaante ho
das pani ka ban ke rahna hai
anginat sadiyon ki satai hui
is ko bas zulm sahte rahna hai
jab koi galat hai kaam hua
sabse aasaan hai isko ko zimma do
jab bhi aawaz kahin se koi uthe
iski janib ko thoda mod bas do
ye sahegi ki iski qismat hai
ye sunegi ki isko aadat hai
kyunki paani ke bin rahe kaise
isko machhali banaya rab ne hai

[masoomshayer]

tabbbasum jee bahut bahut shukriya meree kavita parhne ke liye aur apnee nazm yahan likhne ke liya shukriya
Anil

[santosh_kumar]

Anil ji accha likha hai aapne. dil ko choo gaya, bahut khoob

[Rubeena Parveen]

hi anil ji

phie ek dafa duniya ki kadwi haqiqat ko ba khubi pesh kya he apne jan kar khushi hoti he ki kuch log abhi hain jo is tarah ke khayalat bhi rakhte hain aur dusroN ko hila hilakar unke jazbat ko sahi rasta dikhane ka bhi hunar jante hain aap agar apki is rachna se ek insaan ka man saaf hota he to samajhyega ki apne bahut hi nek kam kya he usse bada koi kam nahi ho sakta aur main yaqeen se keh sakti hoon ki ise padhkar ekl nahi bahut sare log apne vicharon main tabdili layenge aur sochne per majboor honge thanx for ur wnderful job

keep writing
take care
bye

[masoomshayer]

satntosh bahut bahut shukriya mere is kalam par ane ke liye aur pasand karne ke liye
Anil

[masoomshayer]

meree is shayree ko pasand karane ke liye aur kare lafzon main is barayee par unglee uthane ke liye bahut bahut shukriya achha laga aap ak sath is namz main aur jab is duniya main rahate hain to kcuh bhee chubha to bolenge hee na?

shukriya
Anil