...karwa chauth ka chaand -
2nd November 2012, 03:56 PM
ik baar phir apne man ke udggaron ko leka prem
aapke sanmukh hazir hai aashirwaad dekar protsahit kare ...........
haath mein chalni, sar par goonghat, kya dekhat hai sajni
preetam tera tere sanmukh, kya khojat hai sajni.
jab maine tujhko dekha tha, chaand yaad aaya tha
paakar tujhko jana maine, wahi chaand paya tha
aaj khadi tu chalni lekar, chaand niharan khatir
anjana man kuch aur hi soche, diwana sa shatir
tu chaand dekhkar mujhko dekhe,
mai chand dekhkar tujhko dekhu
tu chaand mein mujhko dhoondh rahi,
mai tujhme kabkuch dekhu
tha maine tujhko chaand banaya, tu mujhko chaand banaye
bas tu jaane aur mai janu, koi aur samajh na paaye
nabh ka chaand rahe na rahe, chahe ghor amaawas aaye
tumhe shapath hai sajni meri, mera chaand na dhalne paye
anjana prem sab meri muskurahat se jalte hai, mai sabko hasata chala gaya. pasand thi jamane ko meri barbadi, mai unpe dil-o-jaan lutata chala gaya.
|