Praveen ji ,Adaab!!
kaise haiN janaab??Aapne waqt nikal kar hamari post ka reply diya uske liye bahut bahut shukriya!! Ji aapne sahii farmaaya ke meri ghazal beher mein nahi hai...ye hi to afsos hai ki hume beher samajh nahi aa rahi hai theek se
Waise ek urdustani janab ne meri ghazal ki islaah ki thi aur woh naya version I'm posting here aur yakeen kare pehla misra bhi unhone yuhin theek kiya tha jaise aapne kiya hai
apni aaNkhoN mein basaana chaahta hooN
tujh ko seene se lagaana chaahta hooN
jo gile shikwe tumhaare dil meiN haiN
aaj ki shab maiN mitaana chaahta hooN
apne pehlu meiN biTha kar jaan-e-jaaN
raaz-e-dil tujh ko bataana chaahta hooN
jis qadar bhi zakhm haiN dil meiN mire
aaj maiN tujh ko dikhaana chaahta hooN
tere aaNchal ke naram goshoN se maiN
apne ashkoN ko sukhaana chaahta hooN
teri zulfoN ke ghane saaye tale
shaam-e-gham apni bitaana chaahta hooN
apna sar rakh kar tumhaari god meiN
saari dunya ko bhulaana chaahta hooN
ham ne jo mil kar guzaare the kabhi
maiN woh har lamha dubaara chaahta hooN
Kaisa raha??Mujhe ye version bahut pasand aaya sach kahoon to
Maqta woh fit nahi kar paaye!!Kya Aap kuch madad kar sakte hain??
Chalein Phir....Duaoon mein yaad rakhiyega aur isi forum mein peeche jayenge to meri 2 3 aur ghazal hai...agar waqt mile to use bhi dekh lijiyega..woh w/o islaah hai ab tak
Shukriya!!aur hume aapki koi baat buri nahi lagi..WALLAH
Aise hi madad karte rahiyega ye hi guzarish hai aapse!!
shumaila