mere chaand, [is liye pahlay chaand ka naam hai kyu ki sab se pahlay chanad ko vada kiya tha k 'pollyanna' or ooski 'glade game' ke bare mai bataaungi] or pariwaar ke sabhi sadsyo ke liye...
ek kahani ke bare mai batana chah rahi hu... yah noval muje mere sir ne gift ki thi... maine is noval ka gujarati anuwaad pahlay padha hai or fir yah noval bhi padhna naseeb ho gayi...
gujarati mai likhne k liye rashmi trivedi ji ki aabhari hu .
mere sir ki to jivan mai jitni aabhari rahungi kam hai. bahut kam samay mai bahut sikhaya hai oonhone muje.. jivan jine ki key humesha oonse paayi hai
meri chah hai k aap sabhi bhi yah kahani kabhi n kabhi jaroor padhe.. aap mai se kai logo ne yah noval padhi bhi hogi to jaroor bataiyega..
pollyanna - by Eleanor porter
is kitaab mai ek gyaarah saal ki chhoti si ladki 'pollyanna' jivan ke bahut se be-dhang haalato mai se kuch n kuch achha dhundh kar kaise 'khush rahna' yah khel [ glade game ] apne jivan mai apnanti hai. our oos ke parinaam mai bahut logo ka jivan kaise sudharti hai yah bataya gaya hai . humare aaj ke saamajik jivan mai bhi bahut si amaanviyta [amaanushta] kadam kadam par dikhai deti hai. pollyanna ki nayi jivan vyavstha - "kisi bhi haalat mai khush rahna -" ek nayi drashti batati hai.
pitaji ne di hui sikh se sirf maasi ke maan mai hi nahi par samaaj se baahar kiye huae, ya nirasha se jo ghere huae the or jivan ras gavaa baithe the oon ke maan mai jo aasha, aanand our ullaas jagayayahi is noval ka saundarya hai.
pitaji ne sikhayi hui baat pollyanna ne kaise aatmasaat ki thi wo oosi ke shabdo mai soone ....
the game was to just find something about everything to be glad about—no matter what was
nirdosh pyaar se chhalakti aur pitaji ke jivan sanskaar ki virasat le kar aayi hui pollyanna ne maasi ke smashaan jaise ghar ko kaise soonder phoolo se lachit baagiche jaisa banaya.. ooska parivartan kaise huaa oos mai kahani ka hi nahi par jivan ka sanatan marm vyakt huaa hai.
hum sab kai baar kai na pasand , anchahe haalato se kadwaahat ke sath gujarte hai. kitni hi baar yaad n rakhne jaisi baate yaad rakhte hai or samhaalne jaisi yaade bikarne ko chhod dete hai.
pollyanna ki glade game jaroor khelne jaisi hai... jivan ke har tabbake mai yah khel khela ja sakta hai . sirf oos k liye thhodi ghutan sah kar aanshu pi karhonto par muskurahat laane ki taiyaari honi chahiye. thhode aanshu sukha kar chamkdaar swasthta ka kajal lagane ki jigardaari honi chahiye. kaise bhi kathin haalat mai, kaise bhi dard bhae haalat mai khush rahne ki chah honi chahiye... yah likhne mai or padhne mai jitni aasan hai ootni saral baat nahi hai fir bhi... is kitaab tak pahunch pana bhi aanand ki baat hai .
[ muje yah batate huae khushi bhi hoti hai ke yaha net par bhi yah kahani padhi ja sakti hai . mai link de rahi hu..
jindgi mai se waqt nikal kar jaroor padhiyega... ]
http://www.bibliomania.com/0/0/39/77/frameset.html
meena