just a thought -
17th August 2005, 02:54 PM
Bas kuchh khayaal hai jo ki kahi na kahi mere man ko bhi andolit kar rahe hai
Jeena chahate hai
Udana chahate hai
Sabdo ke tarang par
Khelana chahate hai
Lekin jo chahat hai
Wo sirf ek chahat hai
sirf sagar ki lahare hai,
gambhir sagar nahi hai
Kyu aisa kyu hai
Nistabhadh disha me
Ek chinkhh utha
Jawab me …
Apani hi pratidhwaani
Aati hai, har baar
Har pal…
Kyu aisa kyu hai…
Har baar..
Lahare simatati hai
Sagar me vilin hoti hai
Lekin waqt ke ye thapede
Fir …
Lahar bana hi dete hai
Ye sach hai ..
Pratek agantuk ke liye
Ye anand laati hai
In par surya rashmiya…
Nritya kar manmugdha hoti hai
Chaand taaro ki toli ..
Khud ka sringaar karati hai
Lekin ye lahare…
Tadap kar reh jaati hai
Unaki zindagi
Chillati hai…
Jeene ki chahat basaaye..
Pinjare ki pakchhi ..
Udana chahata hai
Naw aakash me
Pankh failana chahata hai
Lekin nahi…
Ye pinjara …oh!
Ye sach hai…hum
Usake madhoor swar se
Manmugdha hote hai
Lekin …
Usame chhipe dard..
Ansuna kiya jaate hai
Kridaao se usake..
Anandit to hote hai
Bechaara pankchhi khud ..
Khud apane bhagya ka khilona
Ban rota hai….udane ki chahat mein.
Gaur se dekho..
Kahi hum jaha anandit hai
Waha kisika dil
Chitkaar to nahi kar raha
Kahi chilla to nahi reha
Jeena chahate hai
Udana chahate hai
Sabdo ke tarang par
Khelana chahate hai
Lekin nahi..
Hum me se kisi ko,
Itani fursat kaha
Hum to chale jaa rahe hai
Apane hi sapano me
Apani hi baato me
Apane samaj me
Apane ahankaar me
Apani suvidhaao me
Bhool jaate hai
Kisi ka dard
Aansoon, koi chitkaar
Diikhata hi nahi…
Kabhi dikh hi jaaye to..
Santwaana ke bas do bol
YEHIN TO ZINDAGI HAI
Mai puchhati hoon
Dard se aanchal bharkar
Aansoon ki jagah
Lahoon giraakar
Agar kisi ko yun
zindagi milati hai to
us saks ko kaise…
kaise keh dete hai
YEHI ZINDAGI HAI
Gunj reha hai ye sawal
Baar baar… ki….
KYA YEHI ZINDAGI HAI??????
Anant se bhi aage... itni si khwahish hai :)
|