મંજૂર રાખું છું -
29th February 2012, 02:45 AM
મિત્રો,
શાયર નાજિર દેખૈયાની આ ગઝલ પ્રસ્તુત છે... આશા છે કે તમને ગમશે...
બનાવીને ઘણી વેળા નયનના નૂર રાખું છું;
ઘણી વેળા હું એને આંખડીથી દૂર રાખું છું
નશો હું મેળવી લઉં છું એના નયનમાંથી;
કદી એક બુંદ માટે પ્યાસને આતુર રાખું છું
કરું છું જીદને પૂરી, હું મારો જીવ આપીને;
નથી મન્*સૂર કિન્*તુ, મન્*સૂરી દસ્તૂર રાખું છું
*મન્*સૂર: ખુદાનો ચહિતો
મરું છું તે છતા પાછી કદી પાની નથી કરતો;
જગતવાળાઓ જાણે છે જીવન મગરૂર રાખું છું
જો આવી જાઉં મસ્તીમાં કરું ના ઇશની પરવા;
કવિ છું જીવને ક્યારેક ગાંડોતૂર રાખું છું
તમે સામા ઊભા હો તોય હું સામે નથી જોતો
કદી એવું નયન સાથે હું વર્તન ક્રૂર રાખું છું
હજારો વાર 'નાઝિર' છેતરાયો કોલ પર એના;
છતાંયે હું વચન એનાં હજુ મંજૂર રાખું છું
પ્રેયસી
Last edited by preyasi; 29th February 2012 at 02:49 AM..
Reason: Bigger Font
|