Quote:
Originally Posted by AHMAD SHAKIL
Arbab-e-Zauq Ko Aadaab…..Nihayat Saada Si Aik Ghazal Le Kr Hazir Hun…..Is Ummid Ke Sath, Ke Ahl-e-Zauq Apni Raaye Se Nawazen Gay…..
KIUN TAKALLUF SE KAAM LETAY HO
Jab Sar-e-Bazm Naam Letay Ho
Jaan Meri Tamaam Letay Ho
Be-Dhadak Aaiye Sanam Dil Me
Kiun Takalluf Se Kaam Letay Ho
Khud Pilatay Ho Jaam Aankhon Se
Khud Hee Banhon Me Thaam Letay Ho
Hum Ne To Bs Wafa Nibhaayi Hai
Hum Se Kiun Intiqaam Letay Ho
Kis Zamanay Ke Ho Maseeha Tum
Zakhm Detay Ho Daam Letay Ho
Raunaq-e-Bazm Ho Tumhi Janan
Kiun Chiraaghon Ka Naam Letay Ho
AHMAD ALI SHAKIL
|
Shakil bhai ... mai kis kis sher ki taareef karu ... sabhi ek se badhkar ek ....
Dil se daad haazir hai sahab ... qubool farmaayein !!