doston..
yoon to barish ka mausam muhabbat ka roomaniyat ka mausam hai..har taraf hariyali sab kuch khila khila sa mahsoos hota hai...par kabhi kabhi yoon bhi hota hai ki meet jab bahot door ho to yahi barish kisi dushman se kam nahi lagti jiski fuhare dil ko sukoon nahi deti balki aur tadpati hain...aise hee kuch khyaal aapse baant rahi hoon...bataiyega kaise lage..
kuch boonde barishon ki
kuch yaad sanam teri
sab mil ke aaj dil ko
mere jala rahi hain..
jab se chale gaye ho
tum mujhko yoon satakar
dil mera ro raha hai
ye geet ga rahi hain..
sab mil ke aaj dil ko
mere jala rahi hain..
har koi yahaan khush hai
ulfat bhara sama hai
bas ek aankhein meri
aansoo baha rahi hain..
sab mil ke aaj dil ko
mere jala rahi hain..
aa jao ab ke tum bhi
sawan chala na jaye
hans hans ke sabhi sakhiyaan
mujhko sata rahi hain..
sab mil ke aaj dil ko
mere jala rahi hain..
pairon me baandh payal
sang me thirak loon tere
madhu se mila doon inko
jo ye aajmaa rahi hain..
sab mil ke aaj dil ko
mere jala rahi hain...
madhu