Teri palkon kay saaye aaraam Na karon to kya karon

[baba]

Teri palkon kay saaye aaraam Na karon to kya karon
Younhi her din ko ikhtitaam Na karon to kya karon

Main bhi tanha tanha sa, mera naam bhi tanha tanha
Main naam apna tere naam Na karon to kya karon

Chup chaap baytha rahon aur pal judaee kay sehta rahon
Phir shikway shikayat lab-e-baam Na karon to kya karon

Tere deedaar ki aas main der der bhatakta rahon ga
Yeh bay-khudi younhi anjaam Na karon to kya karon

Daykhon jo palat kay bus tu hee tu nazar aaye
Tere liye yeh zindagee tamaam Na karon to kya karon

Har saza sehney ko tayyar ho gaya hay pagal dil mera
Tere naam apni har shaam Na karon to kya karon

Sadiyon say chali aa rahi wafa ko wafa kay badlay
Tarap kay machal kay salaam Na karon to kya karon

Tere hi waday hain ab jin ki khalish-e-man hay
Bol kay chahatain bay-lagaam Na karon to kya karon

Itni aasani say na milnay day ga zalim zamana humain
Rasm-e-jahan ka qatl-e-aam Na karon to kya karon

Koi khayraat nahin, mohabbat to duaaon ka badal hay ‘---------’
To phir aashiqee ka ehtiraam Na karon to kya karon