Quote:
Originally posted by Vipinbox
Kagaz mein likhkar tujhe de raha hoon
tu apni tammana ko rusva na karna,
Bhale aandhiyan aake dastak bhi dein tow
tu majboot haathon se rasta badalna.
Bhale chaand kheenchey andhere ka pallu
tu muskaan dekar ujaale ko taknaa,
Chahe woh raaton mein taare dikhaaye
tu aankhon ko apni ujaalon se dhakna.
Yahi zindagi ke sahi maayne hain
inhe apne sar se kabhi na hataana,
Bhale koi lekar gumon ko hansaaye
tera karm hai mushkilon ko hansaana.
Akele-akeley hee kamre mein rehkar
kabhi aankh se tu na paani bahaana,
Zindagi yeh teri hai yeh rastey bhi tere
tu rukna nahin bas kadam tu badaana.
Udaasi hatadey tu chehre se apni
nazdeek isko kabhi na bulaana,
Kuch hee palon mein yeh maayur kardey
tu iske nishaa ko nishaana banaana
Manzilein jab milengi kadmon se teri
utthaakar usse apne dil se lagaana,
Safalta teri jab bhi mutthi mein aaye
naya geet likh.kar usse gungunaana.
Badi shaan se phir humey bhi sunaana.
|
Kadam kadam par mushikile aayegi
Manzil bhi tujhko door tak nazar aayegi
Magar ye yaar bas tu hosla rakhana
Aankho mein saza kar wo sapna rakhna
Ye waqt kabhi apna bhi hoga
Andhera door hokar wo savera bhi
Hamare ish chehre par bhi muskrahat aayegi
Jin khushiyo se ab tak door the hum
Wo jalad hi hamare daman mein chali aayegi.......
Bohat khoob vipin bhai
Behad hi khoobsurti se likha hai aapne
Apka
Diggaj Dave