Maine darakht se pooncha

[prem_anjana]

chand toote huye shbdo ke saath..................prem anjana ko swikaar kijiye................. bhav ke anusaar, aapke reply ke intzaar mein aapka prem anjana.......................

Maine darakht se pooncha, tu chup kyun khada
Woh muskura ke bola, yeh mere intzaar ki ghadi
mil jayega sanam mera, kisi roj rah mien
"anjana" isi chah ki bas, aas hai lagi

Maine hawa se pooncha, tu ab kahan chali
Woh muskura ke boli, yeh mere deedaar ki ghadi
Lagta hai sanam rahe, meri hi bazm mein
Kahdo ki gul se mehkade, mere yaar ki gali

Maine nadi se pooncha, kis or tu chali
Kahti hai mujhse, milan ki pyaas hai lagi
Mujhe na rok “anjana” sar_e raah tok kar
Aaj milu jaladhi(samudra) se, mujhe pyaas hai lagi

Maine kali se pooncha, tu aaj kyun khili
Jhoom ke woh boli mai, virah mein hoon jali
Lagta hai bhanwar aa raha, raspaan ko mere
Jo aaj na khuli to, tahe umr bhar jali

Maine khuda se pooncha, tu kahan chupa
Woh muskura ke bola, dil mein jhaank toh sahi
Tujhe mai jag mein laya hoon, tujhme hi samaya hoon
“Anjana” tujhe meri kyun, chaap na lagi

[Rajeev Sharma]

waah bhai kya baat hai,
bahut hi sundar aur dil ko chu lene waali aapki ye rachna.
dil se daad qabool kareN.

maa sarswati aapki kalam ko aur jyaada taakatwar banaaye.

[prem_anjana]

Originally Posted by Rajeev Sharma

waah bhai kya baat hai,
bahut hi sundar aur dil ko chu lene waali aapki ye rachna.
dil se daad qabool kareN.

maa sarswati aapki kalam ko aur jyaada taakatwar banaaye.

rajeev ji aapko panktiyan pasand aayi .........iske liye anjana ka dhanyavad swikaar kijiye..........panktiyon ko padhkar aapne inhe sarthkkar diya .............aapa dost............prem anjana