Naqaab-e-rukh-e-pinhaan utha bhi dey
Sar-e-bazm tu jalwa dikha bhi dey
Wafa tuney merey saath kab kiya
Daga di hai toh mujh ko wafa bhi dey
Tabeeyat meri na-saaz hai bohat
Dawa dey ho sakey toh dua bhi dey
Zara dekh merey bagh ka ye haal
Merey bagh mai ek gul khila bhi dey
Merey haal se be-daar kar usey
Ke ehsaas-e-mohabbat jaga bhi dey
Merey mushkiley aasaan kar khuda
Khatawaar hu gar toh saza bhi dey
Zara jaan bhi ley dard-e-be-kasi
Agar poochey koi toh bata bhi dey
Hai kyu merey shehar ki hawa be-chain
Khuda iss ko sabaat-e-fiza bhi dey
Muqarrar duniya mai bhala hai kaun
Mujhe yaar se ya-rab mila bhi dey
Nahi zaib terey rukh ko ye malaal
Mujahid tu gham-e-dil bata bhi dey
Masha Allah mujaahid bhai.... ishq ke rangon ko bahut khoobsurtee se aapne apne is kalaam me sajaaya hai... matlaa to bas aandhii aur maqtaa goyaa Toofaan..... bahut haseen aashar aarasta kiye hain aapne.... Allah majeed nawaaze......