Kar lo mujhe sweekar!

[Vipinbox]

Kar do mujhe bhi jagrat
kar do mere bhi swapan susajjit
ho jaye ehankaar paraajit
rehe jaye bas ek chetana
Aisi vedna-heen vedna
jo hai janmi tumhaare jane se
tumhe na paane se
netra tow hai drishti bhi hai
per hoon murchit
tod do meri murcha
karni hai mujhe tumhaari pooja
karna hai samarpan
swyam ko arpan
mat karo mera tiraskaar
karo lo mujhe swikaar
mera hai tum per adhikar
tod do bandhan, hata do aavaran
nahi swikaar mujhe andhkaar
bhor ki kiran ka hone do pravesh
de do mujhe jeene ka adhikaar.

------------------------------------------

[meena chheda]

dostvipinji,
mat karo mera tiraskaar
karo lo mujhe swikaar
mera hai tum per adhikar
tod do bandhan, hata do aavaran
nahi swikaar mujhe andhkaar
bhor ki kiran ka hone do pravesh
de do mujhe jeene ka adhikaar.

kash kisi ke karne se hamara swikar ho jata
kash kisi ke dene se hamae mil jata jine ka adhikaar
par aksar aisa nahi hota.....
hamae khud hi apne jine ka maksad bana na padta hai
bhor aa sakae is liyae...
hamae khud hi daro darwajae kholne padte hai.

[Vipinbox]

Meena ji,
Namaskaar,

Aapne phir waqt nikala mera likha parhne ke liye.....bahut-bahut dhanyavaad.

Aur aapne jo likha woh sahi likha hai...dawaaze tow hume khud hee kholne parenge.

Vipin
...ek shoonya