Quote:
Originally Posted by mujib66
Mere pyare dosto,
ek aur Ghazal aap tak pohncha raha hun.
Ummid hai ke eh Ghazal bhi aap sabhi hazraat ko pasand ayegi.
"Shayeri-e-Ishq" aur "Ghazal Section" forums men mere kalaam
padhte rahiye.
apne tasuraat(views) mujhe maloom karwate rahen taake man aap hazraat
ki khidmat men zyada se zyada kalaam pesh kar sakun.
-------------------------------------------
tazaa gulabon se bhara gulzaar lagta hai
ghusse men bhi dilkash mera dildaar lagta hai
dilkash- Attractive, dildaar-Freind, Gulzaar- Garden
hai kya bala ki tujh se chahat yeh khuda jane
gar tu na ho ghar men to ghar bekaar lagta hai
kuch is tarah se teri surat bha gayi mujh ko
har shey men tera hi tera didaar lagta hai
shey- Cheez, didaar - Darshan
tu paas baithe to mera har suu mehekta hai
ek gulsitan men phoolon ka tyohaar lagta hai
suu- Side
hai aaj nafrat mujh ko bhi inkaar se lekin
inkaar ulfat men tera eqraar lagta hai
ulfat- Muhabbat
Parwaaz ka kehta hai barson ka tajurba eh
har kaam men pyara tera kirdaar lagta hai
kirdaar- Action, Role
Tajurba- Experience
--------------------------X---------------
aap ka dost
Mujeeb Parwaaz
|
parwaaz ji namaskaar
aji janab bahut khoob likha hai aapne, har lafaz mai.n mohabat hi nazar aa rahi hai, bahut accha lagga aapko pyar bhari rachna ke saath padna. yu hi likhtey rahiye.
aapki dost