Quote:
Originally Posted by B.G.M.
aaj maiN aap ke liye ik bahut hi Hassaas nazm,
jo ik deegar meHfil meN moHtarmaa Zaahidah Ra'ees Raajii ne kuChh arse qabl
pesh kee thii, le kar haazir hu'aa huuN
Nazm mujhe be-Had pasand hai, aur ummeed hai kih aap ko bhi pasand aayegi
maiN yeh nazm Madu ji ki nazr kartaa huuN.
------------------------------------------
Nazm
agar tum dard ke seHra meN mera saath de dete
Gham-e-duniya ke tufaanoN meN apnaa haath de dete
Shab-e-Hastii ki tanhaa`ii meN ko`ii aasraa dete
chalo, jhuTaa sahii, par zindagi kaa Hauslah dete
YaqeeN jaano, kih yeh eHsaan mujh par umr bhar rehtaa
tumhaaraa qarz ban kar mere uupar umr bhar rehtaa
magar, tum ne tau Khud-Gharzii ki aisi inteHaa kar dee
GhamoN ki bheeR meN, ik aur Gham ki ibteda kar dee
Bhalaa, aise ta`lluq ko nibhaanaa kaun chaahegaa?
Shikastah ghar ki deevaareN bachaanaa kaun chaahegaa?
tumheN ham, aah! aadhe raaste meN ChhoR dete haiN
tumhaari reh-guzar se apni raaheN mo`R lete haiN!
~Zaahidah Ra`ees Raaji
=================================================
+
|
BGM ji...........aik behad khoobsurat nazm, jiske ehsaas bahut apne se lge...shukriya share karne ke liye.