Dr. Bashir Badr (Live Mushaira) -
3rd December 2014, 02:19 AM
Dosto aaj se ek naya silsilaa shru kiya jaa raha hai. Mash'hoor shaayiron ke qalaam unhiiN ki zabaani yaani mushairey meiN padhte hue in bakamaal shaayroN ki videos yahaaN silsilevaar post ki jayeNgiiN
ache she'r kehne ke liye yeh behadd zaroori hai ke ache she'r paDhe aur sune jaayeN
is ki pehli qisht ka sehra janaab-e-Dr. Bashir Badr saahab ke naam hai. pichhle kuch saaloN maiN maiN inki shayri se is qadar mutaasir hua hooN ke ab tay kiya hai ke jahaaN taq munkin ho paayega maiN doctor saahab ki tajveez par she'r raqm karooNga voh yeh ki shayri urdu-o-farsii ke bhaari alfaaz ki mohtaaj nahiiN hai, ache sher roz-marr'ra ki baat-cheet meiN istemaal hone wale lafzoN se bhi kahe jaa sakte haiN
pehli qisht ka pehla baab haazir hai aur ummeed karta hooN yeh silsila aapko pasaNd aayega aur aapki sukhan'fehmii ke liye bhi mufeed saabit hoga
mulaiiza kijiye :
.........................................
is tarhe teri yaad meiN har shaam dhaley hai
goyaa koyi nagin si kalejey pe chaley hai