masterpiece #2 -
8th February 2004, 03:39 AM
jab shaam aati hai,
kuch bhooli yaadein le kar,
door.........kahin door.......
kisi samundar ke teer par,
basi hui chattaan par
baitha hai koi,
aankhon mein samundar lehrata lekar........
sochta hai saagar ki gehrai ko,
aur,
sochte sochte utar jaata hai,
dil ki gehrai mein.
chata hai maujon ke parde khol khol kar,
utarta chale saagar ki gehrai mein,
behta chale.......doobta chale.........
bada gehra sambandh hai,
ajeeb sa ekpan hai,
chattaan mein.......
dil mein ...............samandar mein,
lehron mein..........yaadon mein...
kahin kuch mil jaata hai,
ek duje mein,
kahin kuch mehsus hota hai,
aaj bhi, abhi bhi.......
main yahaan hoon,
is kamre ke ekaant mein,
na chattaan hai,na insaan,
par phir bhi,
phir bhi bandh aankhon ke saamne,
ek aaina sa cha jaata hai....
shaayad.....voh teri aankhein hain......
lagta hai jisme dekh kar,
phir vahin.......
door.........kahin door,
kisi samundar ke teer par,'
basi hui chattaan par,
baitha hai koi,
aankhon mein samundar lehrata le kar.....
yours lovingly
dream as if u'll live forever
live as if u'll die tomorrow
|