meree ek nazm PAAN KHAA KAR ye BBC london se nashr ho ke maqbool ho chukee hai ,,,,,,,, guzashta sundaey ise ek site pe post kiyaa to doston ne kaha aki aagey kiya ahuwaa ,,,,,,,,,,,,usee wajah se nazm ko aagey baDhaayaa hai aap bhi enjoy karen
naye paDhney waale yahaan se paDhen
chalaa ik din jo ghar se paan khaa k...ar
to thooka rel ki khirkee se aakar
magar joshe hawaa se chand cheente
pare rukhsaar pe ik naazneen ke
huyee aape se wo faoran hi baahar
lagee kahne abe o khushk bandar
zabaan ko rakh tu munh ke daaerey me
hamesha hi rahe gaa fdaaedey me
bahaane paan ke mat cher aise
yahee achha hai mujh se door rahle
teree soorat to hai shorafaa ke jaisee ,,, shorafaa ( shareef log)
tabiyat hai magar makkaar wahshee ,,,,,,,,,,,,, wahshee ( jaanwar )
kahaa main ne kahaani kuchh bhi bun len
magar mohtarmaa meree baat sun len
khudaa ke waaste kuchh khaof khaayen
zaraa see baat itnee na barhaayen
nahi achha hai itna bhao khaanaa
mujhe bas ek maoqa dedo jaanaa
zabaan ko apnee khud se kaat lun gaa
jahaan thooka hai us ko chaat lungaa
*********************************
AB AAGE DEKHEN
merey muh se jo nikla ameraa jumlaa ,,,JUMLAA ( kahee huyi baat )
huyi phir aor bhi wo hakkaa bakkaa
ghoroor e hus thaa chehrey pe taaree ,,, taaree ( chaDhaa huwaa )
zabaaN thi kuchh magar kahne se aaree ,,,, aaree ( mun band ho jaanaa )
wo gussa ho ke badlee raNg aisey
tamaatar ho gaye rukhsaar jaisey ... rukhsaar ( gaal)
kamar pe haath rakh ke muskuraayee
zaraa saa sar hilaayee budbudaayee
tumhaarei jaison se dartee nahi main
magar in kaamoN me paDtee nahi main
agar izzat pe meree harf aaye
to behtar hai ki meree jaan jaaye
main apne aap ka khud falsafah hun
jo too shaayir to main bhi shaayerah hun
mujhey tum aam mat samjkho kabhi bhi
anaa bedaar hai meree abhi bhi ........... anaa ( ego)
tawaqquf kuchh kiyaa phir tantanaayee,, tawaqquf ( thehar jaana )
ajab haalat meree us ne banaayee
lagee kahney to phir taiyaar ho lo
agar ho mard apnee baat rakh lo
zabaaN ko khud se apnee kaat lo tum
jahaaN thokaa hai us ko chaat lo tum
************************
giraa ik bam merey sar par usee dam
laraz kar rah gaye merey dam o kham ,,, dam o kham ( mokammal taaqat )
nadaamat ne mujhey phir aisey jakDaa ,,,, nadaamat ( sharmindagee )
agar kaato to khooN baaqee nahi thaa
baDaa mushkil thaa daryaa paar karnaa
kaDaa challenge merey saamney thaa
sharaafat ye kahey khaamosh ho looN
anaa kahtee par e parwaaz kholooN
ajab ik kashmaksh thee mujh me raqsaaN ,,,, raqsaaN ( chhaayee huyi )
kahaaN rakkhuN qadam is me thaa ghaltaaN ,,, ghaltaaN ( doobaa honaa )
achaanak fitrat e mardum ne tokaa ..... fitrat emardum ( mardaana fitrat )
khaDaa kiyaa sochtaa hai too gadhaa saa
telaaq e baayenah be basee ko ,,,,, telaa q e baayenah ( doosree telaaq )
khilaa le hastar e dil ki kalee ko
anaa ko aisey taDpaatey nahi haiN
ye maoqey baar baar aaatey nahi haiN
ghazal hai saamney us ko sajaa dey
takhallus ki mohar us pe lagaa dey
terey is me koyee ghaatey nahi haiN
bhalaa kiyaa mard jo chaatey nahi haiaN
sunaa aawaaz e fitree dil lagaa kar
liyaa ik faisla sar ko jhukaa kar
uthaa apnee jagah se jaisey cheetaa
usey baaNhoN me apnee main sametaa
zabaaN thi gaal thaa ik tantana thaa
ajab andaaz ka us ka nasha thaa
magar hasrat meree miTti nahi thee
zabaaN rukhsaar se katTi nahi thee
***********************
main apney farz se ghaafil nahi thaa
ye ik haasil thaa laa haasil nahi thaa,,,, laa haasil ( jis se kuchh na miley )
sitaarah aoj e qismat par mera athaa ,,, aoj e qismat ( jawwan honaa )
mezaaj e yaar bhi haatim bana athaa,,, (yaar ka mezaaj full josh pe thaa)
achaanak zor ki aawaaz gooNjee
to ik jhatkey se meree neeNd tootee
jo dekhaa to ajab see abtaree thee .............. abtaree ( afraa tafree )
razaayee ik jagah geelee paDee thee
khulee jo aaNkh to hasrat ne gheraa
haqeeqat kab bane gaa khowaab meraa
abhi hassaas raTtaa hai doaa ko
khodaa too bhej dey ik shaaeraa ko ,,,,,,,, shaayerahh ( kavitree )