Quote:
Originally Posted by Mujahid Ali
Dil nahi voh cheez ke uss ki tijaarat bhi ki jaaye
Ishq voh mazhab nahi jis ki ibaadat bhi ki jaaye
Daaman-e-ulfat kabhi be-daag hotey bhi nahi phir
Kya khata hai ishq jis pe ab nadaamat bhi ki jaaye
Hai mukhalif ye zamana par adaavat hum karey kyu
Kyu na iss daur-e-mukhalif se mohabbat bhi ki jaaye
Ho gaye hai ab puraaney ishq ke andaaz bhi kuch
Ke junoon-e-ishq mai paida haraarat bhi ki jaaye
BastiyaaN khamosh hai maatam shehar ab kar raha hai
Kyu na afsurdah dilo ki kuch himaayat bhi ki jaaye
Kis qadar insaaN mukar jaata hai paimaan-e-wafa se
Kyu na tajdeed-e-wafa ki phir se zahmat bhi ki jaaye
Hai khafa mujh se mera dilbar bataao ab karey kya
Ek ghazal tehseen-e-dilbar mai ibaarat bhi ki jaaye
Gardish-e-khuuN ab badan mai uss ke chune se hua hai
Kyu na phir se ilteja- e -lams- e -lataafat bhi ki jaaye
Tu na anjaam-e-mohabbat ki fikar kar aye mujahid
Aitraaf- e -ishq ki phir kyu na jurrat bhi ki jaaye
FEW MEANINGS
• Tijaarat= business
• Nadaamat= regret/repentance
• Mukhalif= against
• Adaavat= hate
• Daur-e-mukhalif= opposing era
• Haraarat= heat/temperature
• Afsurdah= sad
• Himaayat= support
• Paimaan-e-wafa= oath of loyalty
• Tajdeed-e-wafa= renewal of loyalty
• Zahmat= pain/trouble
• Tehseen-e-dilbar= praise of beloved
• Ibaarat= create/write
• Gardish-e-khuuN= blood circulation
• Ilteja-e-lams-e-lataafat= request for a delicate touch
• Aitraaf-e-ishq= confession of love
|
waah!!! ek ek ashaar behad pasand aya mujahid sahab,,,
daad qubool karein..yun hee bazm ki raunak badhate rahiye..
likhte rahiye..