Quote:
Originally Posted by Mujahid Ali
Ashk behne de merey ke dard kuch kam ho bhi jaaye
Haal mera dekh kar chashm-e-aduu nam ho bhi jaaye
Sang-dil bhi ho gaya hai ye zamaana iss qadar ke
Merey kehney se zamaana aur barham ho bhi jaaye
Ban gaye aghyaar apney hi toh ghairo se gila kyu
Tum kaho ke mujh pe hi ye zor-e-khanjar aazma kyu
Tu agar de saath shayad qalb khurram ho bhi jaaye
Ashk behne de merey ke dard kuch kam ho bhi jaaye
Door bhi hai apni manzil ke abhi chalna bohat hai
Raah-e-anjaaN mai abhi toh dard bhi sehna bohat hai
Dard hoga kam agar tu saath mahram ho bhi jaaye
Ashk behne de merey ke dard kuch kam ho bhi jaaye
Jiss sehar ki aas karta voh nazar aaney lagi hai
Ke chiraagh- e -ishq se ab roshni chahney lagi hai
Aaj ke hi raat anjaam- e -shab- e -gham ho bhi jaaye
Ashk behne de merey ke dard kuch kam ho bhi jaaye
FEW MEANINGS
• Ashk= tears
• Chashm-e-aduu= eyes of my rival
• Barham= angry/against
• Aghyaar= stranger/unknown
• Qalb-e-khurram= pleased heart
• Mahram= companion
• Sehar= morning
• Anjaam-e-shab-e-gham= end of sorrowful night
|
Umdaa ehsaas mere bhai, yunhi mehfil mein shirkat karte rahiye