Apne apne bewafaaon ke liye rote rahen

[musharrafhusain]

Ahmad Faraz sahib ka yeh kalam aap se share kerna chahta hoon.
In ka kamal yeh hai keh in ke kalam ko parh ker aisa lagta hai keh yeh ham sab ki kahani likhte hain.
umeed kerta hoon aap ko pasand aaye gaa.

YEH TERI AANKHON KI BEZAARI , YEH LEHJE KI THAKAN
KITNE ANDESHON KI HAAMIL HEIN YEH DIL KI DHARKANEIN
PESHTER ISKE KEH HAM PHIR MUKHALIF SIMT KO
BE KHUDA HAFIZ KAHEY CHALDEN JHUKA KER GERDANEIN
AAOO US DUKH KO PUKAAREIN JIS KI SHIDDAT NE HAMEIN
IS QADAR EIK DOOSRE KE GHAM SE WABASTA KIYA
VOH JO TANHAAEE KAA DUKH THA, TALKH MEHROOMI KAA DUKH
US NE HAM KO DARD KE RISHTE MEIN PAIWASTA KIYA
VOH JO EK SAILE BILA ANGEZ THAA APNE LIEYE
JIS KE PAL PAL MEIN THEY SADYON KE SAMANDAR MOJAZAN
CHEEKHTI YAADEN LIEYE , UJRE HUEY SAPNE LIEYE
MEIN BHI NAAKAAME WAFA THAA, TU BHI MEHROOME MURAAD
HAM YEH SAMJHE THEY KE DARD E MUSHTARIK RAAS AA GAYA
TERI KHOEE MUSKURAHAT QEHQAHON MEIN DHAL GAEE
MERA GUM GASHTA SAKOON PHIR SE MERE PAAS AA GAYA
TAPTI DOPEHRON MEIN AASOODA MERE BAAZU HUEY
TERI ZULFEN IS TARAH BIKHREEN GHATAAEN HO GAEEN
TERA BARFEELA BADAN BESAKHTA LO DE GAYA
MERI SAANSE SHAAM KI BHEEGI HAWAAEN HO GAEEN
ZINDAGI KI SAA-ATEIN ROSHAN THEEN SHAMMON KI TARAH
JIS TARAH SE SHAAM GUZRE JUGNUON KE SHAHR MEIN
JIS TARAH MEHTAB KI WAADI MEIN DO SAAEY RAWAN
AAOO YEH SOACHEN BHI QATIL HAIN TO BEHTER HAI YEHI
PHIR SE HAM APNE PURAANE ZEHER KO IMRAT KAHEN
TUU AGAR CHAHE TO HAM EIK DOOSRE KO CHOR KER
APNE APNE BEWAFAAOAN KE LIEYE ROTE RAHEN


musharrafhusain

[meena chheda]

mushi dost,
gar aap yah post na karte yaha ... ham kitne anjaan rahte is bahetareen andaaj se. aap ka shukria jo aapne hame is se parichit karwaya

[musharrafhusain]

aaj pata naheen kyun mera dil chahaa ke ahmad faraz ki is nazm ko parhoon aur aap ke saamne ek baar phir pesh karoon.

thanks meena for liking and sharing.

musharrafhusain

[shrdh]

mushi ji
thnx for sharing this gazal bhaut hi umda rachna hai

padhkar bhaut achha laga
aur bhaut kuch seekha bhi

shrdh

[red_ruchika]

gustakhi maaf sabse pehle,poori nahin padh paa rahi hoon,my timeis now over here ,but one thing 4 sure to tell u,

do teen lines hi padhi hain abhi aur really sukoon pahuncha hai dil ko,grt man,simply nice