Aafan22 Offline

Dukh dard k maron se mera zikr na karna,
Ghar jao to yaaron se mera zikr na karna.
Wo zabt na kar paen gi ankhon k samandar,
Tum raah guzaron se mera zikr na karna.
Phulon k nasheman me raha hon me sada se,
Dekho kabhi kharon se mera zikr na karna.
Shayad ye andhere hi mujhe raah dikhaen,
Abb chand sitaron se mera zikr na karna.
Wo meri kahani ko galat rang na de dein,
Afsana nigaron se mera zikr na karna.
Shayad wo mere haal pe be- sakhata roo dein,
Iss bar baharon se mera zikr na karna.
Le jaynge gehrai me tum ko bhi baha kar,
Dariya k kinaron se mera zikr na karna.
Wo shakhs mile to use har bat batana,
Tum sirf isharon se mera zikr na karna.