Shayri.com

Shayri.com (http://www.shayri.com/forums/index.php)
-   Shayri-e-Dard (http://www.shayri.com/forums/forumdisplay.php?f=4)
-   -   AankheiN bheeg jaatiN haiN (http://www.shayri.com/forums/showthread.php?t=80648)

zainy 21st November 2021 11:31 PM

AankheiN bheeg jaatiN haiN
 
Kisi ki yaad aati hai. to aankheN bheeg jaatiN haiN.
Judaai jab sataati hai, to aankheN bheeg jaatiN haiN

BahaaroN ke naye mausam, ye phooloN ke haseeN gulshan
Jo kooyal geet gaati hai. to aankheN bheeg jaatiN haiN.

Mere chehre pe likha hai , usi ka naam ho jaise
Ye duniya jab bulaati hai , to aankheN bheeg jaatiN haiN

DiloN ke khel me jab bhi , Zamaana jeet jaata hai
Mohabbat haar jaati hai, to aankheN bheeg jaatiN haiN

JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN

Diyaa chup chaap jalta hai, sitaare dil jalaate haiN
Shab e gham muskuraati hai, to aankheN bheeg jaatiN haiN

Khafa thi zindegi hum se , fanaa hoker manaaya tha
Magar phir ruuth jaati hai, to aankheN bheeg jaatiN haiN

DukhoN ne umr bhar jisko, sataaya ho , rulaaya ho
Khushi bhi aazmati hai , to aankheN bheeg jaati haiN

Pukaaro mat unhe Zaara , jo daaman choD jaate haiN
Sadaa jab laut aati hai, to aankheN bheeg jaatiN haiN


-Zaara

Dhaval 22nd November 2021 11:33 AM

Zainy :

Namaste

Kaisi hain aap? Ummid hai khairiyat se honge.. Bazm Mein aapki umdaah Ghazal ko padh kar dil Shaad Shaad ho gaya.. Umdaah andaaz e Bayaan aur har ik sher la jawab hai. Dil se daad

Khush rahen.. Apna Khayaal rakhen

Duaaon ke saath ijaazat

Aapka
Dhaval

aru 7th December 2021 06:40 PM

Bahut khoob Zainy jee..... Kitne dino baad aapka padha hai...Bahut shaandaar raha hai ye aagaaz.....Khoobsoorat kalaam...

zainy 7th December 2021 08:34 PM

Quote:

Originally Posted by Dhaval (Post 497508)
Zainy :

Namaste

Kaisi hain aap? Ummid hai khairiyat se honge.. Bazm Mein aapki umdaah Ghazal ko padh kar dil Shaad Shaad ho gaya.. Umdaah andaaz e Bayaan aur har ik sher la jawab hai. Dil se daad

Khush rahen.. Apna Khayaal rakhen

Duaaon ke saath ijaazat

Aapka
Dhaval

bohat shukriya dhaval bhai...
mujhe khushi hai ke aapko meri tehreer pasand aayi.
khush rahiye.

zainy 7th December 2021 08:55 PM

Quote:

Originally Posted by aru (Post 497514)
Bahut khoob Zainy jee..... Kitne dino baad aapka padha hai...Bahut shaandaar raha hai ye aagaaz.....Khoobsoorat kalaam...


shukriya Aru ji

kaise hain aap?

aru 7th December 2021 09:01 PM

Quote:

Originally Posted by zainy (Post 497516)
shukriya Aru ji

kaise hain aap?

Main acchha hu zainy.jee....Aap.bataiye...

zainy 14th December 2021 08:19 PM

Quote:

Originally Posted by aru (Post 497519)
Main acchha hu zainy.jee....Aap.bataiye...

......Main ek dam first class....:)

zainy 14th December 2021 08:20 PM

https://www.youtube.com/watch?v=xkhi3tTgTrM

sunita thakur 22nd December 2021 12:14 PM

Quote:

Originally Posted by zainy (Post 497507)
Kisi ki yaad aati hai. to aankheN bheeg jaatiN haiN.
Judaai jab sataati hai, to aankheN bheeg jaatiN haiN

BahaaroN ke naye mausam, ye phooloN ke haseeN gulshan
Jo kooyal geet gaati hai. to aankheN bheeg jaatiN haiN.

Mere chehre pe likha hai , usi ka naam ho jaise
Ye duniya jab bulaati hai , to aankheN bheeg jaatiN haiN

DiloN ke khel me jab bhi , Zamaana jeet jaata hai
Mohabbat haar jaati hai, to aankheN bheeg jaatiN haiN

JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN

Diyaa chup chaap jalta hai, sitaare dil jalaate haiN
Shab e gham muskuraati hai, to aankheN bheeg jaatiN haiN

Khafa thi zindegi hum se , fanaa hoker manaaya tha
Magar phir ruuth jaati hai, to aankheN bheeg jaatiN haiN

DukhoN ne umr bhar jisko, sataaya ho , rulaaya ho
Khushi bhi aazmati hai , to aankheN bheeg jaati haiN

Pukaaro mat unhe Zaara , jo daaman choD jaate haiN
Sadaa jab laut aati hai, to aankheN bheeg jaatiN haiN


-Zaara


JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN


Zainy, yeh sher bachpan ki galiyoN mein le gya, yahan banhpan beeta wo ghar wo aaNgan, wo dar-o-deewar kabhi nahi bhoolte.

khoobsurat gazal ke liye vadaye ho :)

zainy 26th December 2021 11:51 AM

Bohat shukriya aapka di..
Sahi kaha aapne,..bachpan ki yaadeiN bohat khoobsurat hoti hain..bhulana mumkin nahi.
Thanks again...:)

zarraa 31st December 2021 12:01 AM

wah bahaut khoobsurat gazal zainy ji

zainy 25th January 2022 07:12 AM

Shukriya Zarra sahab..........

Dard-e-sush 22nd February 2022 12:54 AM

Zainy Ji.

Kya likh diya ye aapne. Padhte padhte dil ki dhadkane badh gain, ek sailaab aaya or aankein bheeg gain. Ek ek lafz dil ko cheer gaya.
PURE NOSTALGIA.

Take Very Good Care of Yourself.
God Bless you
Sushil

BahaaroN ke naye mausam, ye phooloN ke haseeN gulshan
Jo kooyal geet gaati hai. to aankheN bheeg jaatiN haiN.

JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN

zainy 26th February 2022 12:30 AM

Bohat bohat shukriya shushil sahab..

Vipinbox 3rd April 2022 06:22 PM

JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN.

Bahut khoob zainy ji,..........

zainy 29th September 2022 03:05 PM

Shukriya vipin ji.............

maikasH 9th October 2022 05:18 AM

Aala Ghazal hui hai Zainy sahiba, mubarkbaad tasleem farmaayeiN

zainy 2nd November 2022 12:28 PM

Bohat bohat shukriya Maikash ji

zainy 2nd November 2022 01:01 PM

https://m.youtube.com/watch?v=xkhi3tTgTrM


My ghazal sung by Musafir sahab

vikramjethi 12th August 2023 09:33 PM

Quote:

Originally Posted by zainy (Post 497507)
Kisi ki yaad aati hai. to aankheN bheeg jaatiN haiN.
Judaai jab sataati hai, to aankheN bheeg jaatiN haiN

BahaaroN ke naye mausam, ye phooloN ke haseeN gulshan
Jo kooyal geet gaati hai. to aankheN bheeg jaatiN haiN.

Mere chehre pe likha hai , usi ka naam ho jaise
Ye duniya jab bulaati hai , to aankheN bheeg jaatiN haiN

DiloN ke khel me jab bhi , Zamaana jeet jaata hai
Mohabbat haar jaati hai, to aankheN bheeg jaatiN haiN

JahaaN bachpan guzaara tha, unhi koochoN se jab aksar
Koyi aawaaz aati hai, to aankheN bheeg jaatiN haiN

Diyaa chup chaap jalta hai, sitaare dil jalaate haiN
Shab e gham muskuraati hai, to aankheN bheeg jaatiN haiN

Khafa thi zindegi hum se , fanaa hoker manaaya tha
Magar phir ruuth jaati hai, to aankheN bheeg jaatiN haiN

DukhoN ne umr bhar jisko, sataaya ho , rulaaya ho
Khushi bhi aazmati hai , to aankheN bheeg jaati haiN

Pukaaro mat unhe Zaara , jo daaman choD jaate haiN
Sadaa jab laut aati hai, to aankheN bheeg jaatiN haiN


-Zaara


Wah zainy sahiba, kya baat hai, saare ashaar hi behad khoobsurat aur khud se khud KO byaaN karte hue dikhte hain...daad!!!
..

mujib66 2nd October 2023 09:41 PM

Assalam o alaikum Zainy saheba.
Behtareen ghazal hui hai.
Dehron daad qubool farmayen.


All times are GMT +5.5. The time now is 03:35 PM.

Powered by vBulletin® Version 3.8.5
Copyright ©2000 - 2024, Jelsoft Enterprises Ltd.