Quote:
Originally Posted by Madhu 14
Kuch khyaal zahan me aaye unhe bas vaise hee aapke samne rakh rahi hoon ek kavita ke roop me..bataiyega kaise lage..
Ek ladki bahut nazuk badi bholi si
Ghar ke angan me bani rangoli si
chehre par ek thahraaw sa tha
Santushti ka ek bhaw sa tha.
Babul ki bagiya mahkane ko
karti har jatan sajane ko..
Sakhiyon ki hansi thitholi si
Rango me thi bas vo holi si.
Aankhon me kaid kiye sapne
Vo ghanto baithi rahti thi
bezubaan un phoolon se
Vo jane kya kya kahti thi.
Vo sapne vo uski baatein
jo usne kabhi nahi baaTein.
Kuch poore huye kuch nahi huye
Nikle jhoothe kuch sahi huye.
Ankhon bhi ab khamosh si thiin
chehre ke bhaaw bhi gaye badal.
ek pal ko bhi ab chain na tha
Yoon bahti ab nadiya kal kal.
Patthar ho ya koi phool hee ho
Vo rah banati khud ke liye
Sakhiyan sathi ab koi nahi
Awaaz de kisko vo sudh ke liye.
Jeevan ki uthal puthal ke beech
Sabko khush rakhne ki chah me
Vo ladki kahiin kho si gayi..
Sangdil duniya ki raah me.
|
Bahut khoob Madhu, behad saade shabdon mein aapne ek tasveer bana di, ek muskaan si aayi chehre par, ek sawaal chotaa sa par chaap gehri si...yunhi likhte rahiYe azaad khayaalon ko lafzon ke takaaze mein tolte rahiYe