[sunita thakur]

Originally Posted by Sagar Aashna

Haazreen-e-mehfil ko mera adaab !

dosto, pesh kar raha huuN beh'r meiN apni pehli koshish. Ummid hai aapko pasand aayegii. ismeiN islaaH ki zaruurat hai, isliye usaatza hazraat se darkhwast hai ke islaaH zaruur kkareiN, bil khasuus beh'r pe.

Daastaan-e-gHam kahii to aap bhi ruswaa huye
Aap hee batalaaiye, wo ehed saare kyaa huye

Baarhaa mujh ko nigaaheiN hausla deti rahiiN
vasl ki shab ka gumaaN Tha raaz saare vaa huye

Kyaa huyii taqseer aakhir iss dil-e-beemaar se
YuN muqaabil baiThkar wo kyun hain afsurda huye

Thay marasim barmala ko_ii chupii baateiN na thii
Aaj bhi ho luuN mukhaatib un se be-pardaa huye

Raahat-e-jaaN na mili ruswaaiyoN ke sheher meiN
Baais-e-taskeen Thay jo, aur gHam afzaa huye

Aashna ko gHam mile goya gHiza milne lagii
gHamzada ki iss adaa pe log dildada huye

wahhhhh....kya kamaal ki gazal pesh ki hai aapne, muje behr ki koi jaankaari to nahi hai par etna jaroor kahuNgi ki bade flow meiN padi gye yeh gazal...sabhi ashiyaar bahut khoobsurati se gazal meiN baandhe hai aapne, meri taraf se dheroN dher mubarakbaad kabool kijiye.

yu hi khoobsurat gazleN bazm ki nazar karte rhiye aur bazm ki rangeeni badate rhiye.

khoobsurat gazal par reps +++

khush rhiye
duaoN ke saath