[Mayank]

EHSAAN QURAISI



Ek din, main Delhi pahuncha,
Station pe ek coolie se bahar jane ka rasta poochha.
Coolie ne kaha: "Bahar jaake poochho."

Maine khud hi rasta dhundh liya,
Bahar jaake taxiwale se poochhaa:
"Bhai saab Lal Kile ka kitna loge?"
Jawab mila: "Bechna nahi hai."

Taxi chhod, maine bus pakad li, Conductor se poochhaa: "Ji, kya mein cigarette pi sakta hoon?"

Wo gurrra kar bola: "Hargiz nahi, yahaan cigarette pina mana hai."

Maine kaha: "Par wo janaab to pi rahe hai!"

Phir se gurrrraya: "Usne mujhse poochhaa nahi hai."

Lal Kile pahucha, hotel gaya.

Manager se kaha: "Mujhe room chahiye, saatvi manzil pe."

Manager ne kaha: "Rahane ke liye ya koodne ke liye?"

Room pahucha, waiter se kaha: "Ek paani ka gilaas milega?"

Usne jawab diya: "Nahi saahab, yahan to saare kaanch ke milte hain."

Hotel se nikla, dost ke ghar jaane ke liye,

Raste me ek sahab se poochhaa: "Janab, ye sadak kahaan ko jaati hai?"

Janab hans kar bole: "Peechhle bees saal se dekh raha hoon, Yahi padi hai... kahin nahin jaati."

Dost ke ghar pahucha, to mujhe dekhte hi chownk pada,

Usne poochha: "Kaise aana hua?"

Ab tak to mujhe bhi aadat pad gayi thi, Maine bhi jawab diya: "Train se."

Meri aaobhagat karne ke liye dost ne apni biwi se kaha: "Areeee sunti ho... mera dost pehli baar ghar aaya hai, use kuch taja taja khilao."

Sunte hi bhabhiji ne ghar ki sari khidkiya aur darwaje khol diye. Kaha: "Taji hawa kha lijiye."

Dost ne phir se baday pyar se biwi se kaha: "Areeee sunti ho, inhe jara apna chalis saal purana achar to dikhana."

Bhabiji ek baatli me rakha aachar le aayi. Maine bhi apnapan dikhate hue bhabiji se kaha:

"Bhabhiji, aachar sirf dikhayengi, chakhayengi nahi?"

Bhabiji ne taak jawab diya: "Yuhi agar sab ko chakhati To aachar chalis saal purana kaise hota?"

Thodi der baad dekha, bhabiji apne potey ko sula rah thi, Saath me lori bhi ga rahi thi:
"
Diploma so ja, diploma so ja." Lori soon mein hairan hua aur dost se poochha:
"Yaar, ye diploma kya hai?"

Dost ne jawab diya: "Mere grandson ka naam, Beti bambai gayi thi, diploma lene ke liye Aur saath mein ise le aayi, Isiliye hamne iska naam Diploma rakh diya."

Phir maine poochhaa: "Aajkal tumhari beti kya kar rahi hai?"

Dost ne jawab diya: "Bambai gayi hai, degree lene ke liye